Suosittuja jakeita Raamatun kirjasta Johana 15

Jaa

“Imi nimi mzabibu, nenyo ninyo mbashe. Uyu ekalagha amweni kwangu, nemi amweni kwake, uvalagha mavalo mengi, kwani sikweo nemi simudimagha kudea kindu chingi.

Kaleni amweni kwangu, nemi amweni kwenyu. Selyi mbashe siyedimagha kuvala mavalo siyewo kele mzabibu, niko kwenyi nenyo simudimagha kuvala mavalo simweo amweni kwangu.

Ilyi mwakala amweni kwangu, na ghore zangu zakala amweni kwenyu, lombeni icho chose mwashaya, nenyo mjehawo.

Inyo simunisaghule imi kungi, ela nimi nimusaghule inyo na kumwika eri mughende muvale mavalo mengi, na mavalo ghenyu ghatule; eri icho chose mlombagha kwa Aba kwa izina lyangu, amuhawe.

Sikwesi mashayo ghengi gheisagha agha, gha mundu kufunya umana ghwake kwa undu ghwa wagheni wake.

Iye wapasa kila mbashe amweni kwangu siyevalagha mavalo, na waboesela kila mbashe ivalagha mavalo, eri ivale mavalo mengi.

Ughu nigho mlomu ghwangu, mushayane selyi kwenyi imi nemushaile inyo.

Kwa hung'u Aba ulikogho, mkavala mavalo mengi, na kukala wairimi wangu.

“Imi ni mzabibu ghwa Fulo, na Aba ni mlimi.

Ngera mundu seo amweni kwangu, watagho noko sa mbashe na waoma. Wandu wazishowa mbashe na kuzikumba motoni ziiye.

Namughorera ghore izi, eri kuboelo kwangu kukale amweni kwenyu na kuboelo kwenyu kujule.

Mkawata milomu yangu, mjekala kele mashayo ghangu, selyi imi nawata milomu ya Aba na kukala kele mashayo ghake.

Kwa hung'u mlomu ghwangu kwenyu ni ughu, shayaneni.

Ngera moluo wa urumengu, macho urumengu ghomushaile inyo wandu wake. Ela kwa kukala sinyo wa urumengu wengi, ela nanamusaghule kufuma urumenguni, kwa hung'u urumengu ghwamumenya.