Suosittuja jakeita Raamatun kirjasta मत्ती 5

Jaa

आउर लोग दीया जराऊन भाती पयमाना चो खाले नाई मान्तर दिवट थाने संगाऊ आत, तेबे हुनचो ले घर चो सपाय लोगमन के उजर अमरू आय। हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

तुमी जगत चो उजर आस। जोन नंगर डोंगरी थाने बसलोर आसे हुन लुकुक नी सके।

“धन्य आत हुनमन, जोनमन चो मन शुद्ध आय, कसनबल्लोने हुनमन माहापुरू के दकदे।”

“धन्य आत हुनमन, जोन धारमिकता चो भुकाहा आउर प्यासा आत, कसनबल्लोने हुनमन संतुष्ट करा जादे।”

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

“धन्य आत हुनमन, जोन मेल करातो बिता आत, कसनबल्लोने हुनमन माहापुरू चो बेटा बलाया जादे।”

“धन्य आत हुनमन, जोन कलपे सोत, कसनबल्लोने हुनमन शान्ति पावदे।”

“धन्य आत हुनमन, जोन धारमिकता चो कारन कन्दराया जाऊ आत, कसनबल्लोने सरग चो राज हुनीमन चो आय।”

“धन्य आत हुनमन, जोन दया करू आत, कसनबल्लोने हुनमन चो उपरे दया करा जायदे।”

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे। तेबे हरिक आउर उदुम हुआ, कसनबल्लोने तुमचो काजे सरग ने बड़े ईनाम आसे। ऐईकाजे कि हुनमन हुन अगम गिआनीमन के जोन तुमचो ले पयले रवत ऐई रीति ले कन्दराऊ रला।

“धन्य आत हुनमन, जोन सोज आत, कसनबल्लोने हुनमन धरतनी चो अधिकारी होदे।”

“तुमी धरतनी चो लोन आस; मान्तर अगर लोन चो सुआद नसुन जाओ, तेबे हुन फेर कोन तीज ले खर करा जायेदे? फेर हुन कोनी काम चो नुआय, मात्र ऐचो कि बाहरे पोकाया जाओ आउर मानेमन चो पाँयमन चो खाले रोमदा जाओ।

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

मान्तर तुमचो गोठ ‘हव’ चो ‘हव,’ नाहले ‘नाई’ चो ‘नाई’ होओ; कसनबल्लोने जोन काई ऐचोले आगर होऊ आय हुन खराप ले होऊ आय।

“तुमी सुनुन चुकलासास कि मूसा चो नियम ने बोला जाऊन रली, ‘आँईक चो पलटा आँईक, आउर दात चो बदला दात।’ मान्तर मय तुमचो ले ऐ बलेंसे कि खराप माने चो सामना नी करा; मान्तर जोन कोनी तुचो उजा गाल थाने थापड़ मारेदे, हुनचो बाटे दुसर बले फेरून देस।

अगर तुचो उजा आँईक तुके ठोकरना खुआयदे, तेबे हुनके निकराऊन भाती पकाऊन देस; कसनबल्लोने तुचो काजे ऐ अच्छा आय कि तुचो अंगमन थानले गोटक नष्ट होओ आउर तुचो पुईतराय देंह नरक ने नी डाला जाओ। अगर तुचो उजा हाथ तुके ठोकरना खुआयदे, तेबे हुनके गोंदुन भाती पोकाऊन देस; कसनबल्लोने तुचो काजे ऐ अच्छा आय कि तुचो अंगमन थानले गोटक नष्ट होओ आउर तुचो पुईतराय देंह नरक ने नी डाला जाओ।