Suosittuja jakeita Raamatun kirjasta uYohane uYohane 12

Jaa

Ukuba ubani uthi andikhonze, makandilandele; apho ndikhona mna, woba lapho nomkhonzi wam; ukuba ubani uthi andikhonze, wombeka uBawo.

Lowo uwuthandayo umphefumlo wakhe, wolahlekelwa nguwo; lowo uwuthiyayo umphefumlo wakhe kweli hlabathi, wowulondolozela ubomi obungunaphakade.

Inene, inene, ndithi kuni, Ukuba ukhozo lwengqolowa oluwe emhlabeni aluthanga lufe, lona lona luhlala lungabi nto; ke ukuba luthe lwafa, luthwala isiqhamo esininzi.

Mna, lukhanyiso, ndifikile ehlabathini, ukuze bonke abakholwayo kum bangahlali ebumnyameni.

Nokuba umntu uthe weva amazwi la am, akakholwa, mna andimgwebi; kuba andize kuligweba ihlabathi, ndize kulisindisa ihlabathi.

Wathabatha ke uMariya iponti yamafutha aqholiweyo enadusi engangxengelelweyo, exabiso likhulu; wathambisa iinyawo zikaYesu, wazisula iinyawo zakhe ngeenwele zakhe; yazala ke indlu livumba lamafutha lawo aqholiweyo.

Yathabatha amasebe esundu, yaphuma yaya kumkhawulela, yadanduluka, yathi, Hosana! Makabongwe uKumkani wakwaSirayeli, uzayo egameni leNkosi.

Wabaphendula ke uYesu esithi, Lifikile ilixa lokuba uNyana woMntu azukiswe.