Suosittuja jakeita Raamatun kirjasta ยอน 2

Jaa

เนว​ซำคัน​เนว​ปัน​ตา​งึด​นาก็​พะเยซู​ตาะ​นึง​วีล​คานา​นาก็​อัอด​นึง​เคด​กาลิลี​อะไน ‍ ปัน​เนว​ซำคัน​เนว​ปัน​ตา​งึด​นาก็​อัน​ตาะ​ญวง​มู ‍ ไน​เมือ​พะเยซู​ตาะ​เนว​ซำคัน​เนว​ปัน​ตา​งึด​แบบ​ไน​เจอ ‍ อัน​ก็​ออ์น​กวย​โฮม​ซะงาราซี​โฮม​อำนาด​คอง​อัน ‍ เจอ​จุม​ลูกซิด​คอง​พะเยซู​เลิด​เจือ​นึง​อัน ‍

ซัง​อังกิ​พะเยซู​บัด​เวา​นึง​อัมเปะ​อัน​ปาย ‍ "ตะนาะ​ไม​จัง​เอด​เรือง​ไน​อะตัอะ​กวน​อังกอะ? ‍ นัง​ตัอ​ตัอะ​อัมปิน ‍ เวลา​นาก็​อังกอะ​ซี​ออ์น​กวย​ด็าง​ปาย​อังกอะ​ปัน​นีาว" ‍

พะเยซู​เลิด​เวา​นึง​จุม​กวยไซ​อะกี​ปาย ‍ "จอ์ะ​ดัอะ​ออ์น​แป็น​ญิ​กู​นวย​เดอ" ‍ เจอ​อะไล​เลิด​จอ์ะ​ดัอะ​จน​แป็น​บอ์ะ​โอง​ญิ​กู​นวย ‍  มม​เจอ​พะเยซู​ก็​เวา​นึง​อะไล​แอน​ปาย ‍ "ต็าก​เอด​ดัอะ​นึง​โอง​อะกี ‍ เจอ​อะปัอะ​ออ์น​พู​นาก็​อะไล​แตง​ออ์น​ปัน​พู​ดูแล​งาน​อะไน​เดอ" ‍ เจอ​กวยไซ​อะกี​เลิด​ต็าก​ดัอะ​เอด​อะปัอะ​ออ์น​พู​ดูแล​งาน​กือ​นาก็​พะเยซู​เวา ‍

ซัง​อังกิ​พะเยซู​เลิด​เวา​นึง​อะไล​ปาย ‍ "อัมไป​อี​โฮม​กึ​ตาะ​เนว​ซำคัน​เนว​ปัน​ตา​งึด​นอ? ‍ ออ์น​อัมไป​ทำลาย​วิฮาน​อะไน​เดอ ‍ เจอ​อังกอะ​ซี​ซาง​อะซอฮ​ตะไม ‍ ไป​จะไง​ออ์น​มม" ‍

โฮม​อังกิ​พะเยซู​เลิด​เอด​อันไซ​ซะเอย​ลำ​ซ็าด​จอ์ะ​มะนืย​เพือ​ซี​ตาะ​ออ์น​ปัน​เนว​อะวิด​เนว​แต็น ‍ เจอ​พะเยซู​ก็​ปูย​อะดิ​ออ์น​ลอฮ​ตาฮ​วิฮาน​จน​ญิ ‍ ตัอ​ปาย​แกะ​ตัอ​ปาย​ตะแกง ‍ ปราะ​นึง​โตะ​คอง​อะไล ‍ พะเยซู​ก็​ทอะ​อะลอฮ​จน​ญิ ‍ เจอ​อะปรูบ​โตะ​คอง​อะไล​ก็​ปะนัน ‍  เจอ​พะเยซู​ก็​เวานึง​จุม​นาก็​ตายะ​จม​นก​พิลาบ​อะกี​ปาย ‍ "เอด​อะลอฮ​อะดิ​จน​ญิ​เดอ ‍ อันเตริวแม​คอง​อัมไป​อะไน ‍ อัมไป​ซู​ตาะ​นัง​ลาะ ‍ ออ์น​ดง​คอง​อัมปูอ​กึ​ปัน​ซำ​ตะลาด​แบบ​ไน" ‍