Suosittuja jakeita Raamatun kirjasta मत्‍तयाल 2

Jaa

ओर लोता लोप्पो होंचि आ पेडन तल्‍लुर मरियमनगा हूळतुर. आ पेडाना काल्कुनपोर्रो अरसि मोळ्‍कतुर. आयंका ओर जोरानाल बंगारम, गंदकम, ऊदु इसंटा एक्‍को दराता वस्‍तुक तेंडसि ओन्क हीतुर.

येसु यहुदिया एरियाता बेतलहेम नाटे पुटतस्के अगा हेरोद इनना राजाल राज्येम कीसेक मत्‍तोर. अदे कालमते पोळ्‍द पेयसनाहेंदाल बोरो पंचांगम हूळानोर येरुसलेम सहरते वातुर. वासि राजांक कलियसि, “पूनें-पूने पुटता यहुदिल्कुना राजाल बगा मंतोर? पोळ्‍द पेयसनाहेके ओर पुटताप मोमोट उंदि सुक्‍कातुन हूळतोम. ओना काल्क मोळ्‍कालय मोमोट वातोम,” इंचि राजन पूसकीतुर.

आ सुक्‍कातुन हूळसि ओर्कु इरगा आनंदम आता. पंचांगम हूळानोर येसु पुटतगा बेतलहेम नाटे होत्‍तुर.

आयंका “मल्सि हेरोदनाहेके होनमट” इंचि पेन कलाते वेहताहेंका ओर इंकुंदि हर्रि पीसि ओरा देसेम पेय्सि होत्‍तुर. पंचांगम हूळानोर होत्‍तारित्‍ते, योसेपुंक उंदि पेनदा दूता कलाते दिस्‍सि, “निमे तेदा, पेडन आनि ओना तल्‍लुन पीसि इजिप्‍त देसेम पेय्सि होन. हेरोद राजाल पेडन हव्कनाहाटीं पह्कांतोर. अदुनहाटीं नना नीकु मर्रा वेहनदाका अग्गेन मन्‍नु,” इंचि वेहता.