Suosittuja jakeita Raamatun kirjasta Matyu 5

Jaa

E silang osep tibik lam e tikadinge ke gimare kovok. Aurou. Tidue sep ke wan ka lam dong ine e bublo ma osep ka tidong ke ninu tikaranga tivati malak. Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

E umu langka bublongon ke osep taklak ina. Osep tikaranga tikukwop armok ka dong ke gigri kovok.

“Osep ka aitno lisak la ke Ida Tapolngon vala aitno lisak itau itau kesua ma tivati Ida Tapolngon.

“Osep ka isak arit isak ma tidue elio ka osuk vala ke Ida Tapol-ngon bitna aitno lisak itau itau kesua ma tigot ke Ida Tapolngon ila wan.

E eknikane ngawai ke umu langane. Umu lana umu ke upu oul e umawai itau ke Ida Tapolngon ke osep ka tidue agegeng ke umu.

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

“Osep ka tidue osep leklou aitno lisak tipolou epen pulu aitno lisak itau itau kesua ma osep tisir isak Ida Tapolngon titno.

“Osep ka tikngis aitno lisak itau itau kesua Ida Tapolngon ma due aitno lisak tidong itau blang.

“Osep ka osep leklou tidue agegeng ke isak kesua tididi elio itau vala ke Ida Tapolngon bitna aitno lisak itau itau kesua omur heven ka Ida Tapolngon plaue urok omur.

“Osep ka aitno lisak due osep leklou aitno lisak itau itau kesua ma Ida Tapolngon aitno due isak blang.

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau. Aitno lumu neser e aitno lumu itau ine kesua ma umodue wan ka itau ke omur heven. Kesua oglou osep tidue elio soulu langane blang ke osep napaprangan ina ka tidong mgo ke umu.”

“Osep ka urok elio molil molil aitno lisak itau itau kesua Ida Tapolngon ma kar wan ka taklak ane ina ke isak.

“Umu langka sol ke osep ka tidong ke taklak. E langka sol galo kovok lange ma itodue sol tonari polou galo blang? Aurou. Iye itau ke wan gesa kovok e ma itouri ke taklak e osep tilila e tipese ke kamsak.

E umodue elio ka itau vala kesua Pmomu ka dong ke omur heven due elio ka itau vala.”

E alo ka umawai io umawai ‘Ee’ koke ‘Aurou’ vala. E langka umawai pelengon silang io pelengon tonari batne ke Satan.”

“Umoklingen oglou osep tiwai langane. ‘Langka gute pi gute silang bitna umepi gute tonari bitna blang. E langka gute pi gute silang ene erine umepi gute tonari ene erine blang.’ E eknikane ngawai ke umu langane. Langka gute waiki due elio soulu ke umu deka umadangdang iye ine kovok. E langka gute mluk umu ke banga lumu odung umabauluk ma iye karanga mluk umu ke banga lumu gala blang.

E langka omtomu odung due umu umodue elio epmes ina deka umepie e umourie ke umu. Kesua are itau langka ongwa lumu kene dong kovok lama ongwa lumu keniye la ke omur hel. E langka lupmu odung due umu umodue elio epmes ina deka umobloue e umourie ke umu. Kesua langka ongwa lumu kene dong kovok are itau lama ongwa lumu keniye la ke omur hel.