Suosittuja jakeita Raamatun kirjasta Matayo 28

Jaa

Lino muhelelage ku vaanu va nyi dzonda, mukavahambusage ukuvedza vanyigendwa vangu. Mukavadzabikage mu litaawa lya Daada, ni lya Muswamuve, ni lya Mubepo uMwimike. Mukavawulanidzage ukuniniila dzonda dze ndívalagiidze unyeenye. Lolage, uneene ndili pamwinga naanye umusika gonda ukufikila pa wudugilo wa nyi.”

Neke uYesu ahegelelage, avalongelage avanyigendwa vaakwe atigilage, “UNguluvi áameeliye uwutawulilwe wonda uwa kukyanya nu wa mwe naanyi.

Neke kangi umunyamwandza uyo avalongelage avamwayuuva avo atigilage, “Mutane ukoogopa! Ndiidzeela ukutigila mwádzile ukumusakula uYesu ye vakamutoveleliye pa kipindulihidzo. Sipwali apa! Ádzulubwike ukuhuma ku wulungu ngita kye akavalongiye. Mwadze mulole pe vakamugoniike.

Neke uYesu avalongelage atigilage, “Mutane ukoogopa. Muhelelage mukavalongele avanyalukolo vangu vahelelage ku Galilaya kwe vahadza vakuumbona.”

Neke avateekedzi avakomi avo valundanage pamwinga na vavaha va Vayahudi, valonganage, viidiingʼanage, vavapeelage avakolakyanda avo amagoobeli goloofu. Vakuvafundaga viitigilaga, “Ngana umuunu ye avedzaga akuvawuudza ulwa idzo ídzihumiye mutigilage, ‘Avanyigendwa va Yesu vakaadzile pakilo ukuhiidza umufimba gwakwe pe tukaagoneeliye.’ Ngana uPilato apulike idzo, tuhadza twilongana nave, ukuta mutane ukwingila mu lutalamu.” Neke avakolakyanda vaanukilage amagoobeli ago nu kulonga ku vaanu, ngita kye vakaalongeliilwe na vavaha va Vayahudi. Imola idzo dziitagalilaga hiilo ku Vayahudi, kangi vaave vapisimanila ni neengʼuli.