Suosittuja jakeita Raamatun kirjasta Matìyò 9

Jaa

U dzày yə̀ awò tsə̀təndii tə we tiy nə̀, “Ndə̀mə̀ ufyiə wiy biy dòʼò anə uswum, aghê kə fàʼ yìy dûw wày ani kpìy. Ghà bwoʼ yə̂ kə̀wo awò Mwe ə̀ mbyi à də nəniy we mwe ə̀ ùswum tə̀ ù twum fyi yə̀ aghee kəfàʼ ghu nyi kpîy bə̂.”

Ghà zû kaw fyi kə nə̀ iyiə yə i twâ doʼò nəniy anə ŋwàʼà k-a-zə̀ nə̀ i myiŋə̀ kìə̀, anə yəə i dzîy nəniy nə̀, ‘Fyiə kə mə liə nəniy â ghà à də̌ nə̀ ghà ki dee yəə mwuli kə̀ kwoʼo kiy awò àghè liy yiy à wày dzə ufyiə ghi wə gha sâ nəniy.’ Mə kə̀ bû dzə̂ ani bù toŋə aghû yə̀ ghu də nəniy tsitsi anə sə k-a-zə̀, mə kwuni bù ani bù toŋə aghê àbɛbə yiy nə̀ ghu kyemì ŋwô fyi bə̂ anə bɛb tə ghu.”

Abù Yesù kòʼ tsə yəə ŋwàâ kə̀ də nəniy ate mwuli kiy ŋge kwoʼ we azoŋə̀ ghu. Ayiə kə ŋge fyimə ghu anə təfòŋ. Ghu kə də sòʼo kwu way wù wə̀ ù də ani fày ghu. Ghu kə də̀ yəə à də̌ ndzù tə̀ tə də kwu way wù ù baʼà wìy.

Yesù ə zuw àyiə yə ghu kə dzîy nəniy, u bə̀li yə̀ a ghu nə̀ “À kwu dzə̀ way aghê à taw yiy ani zù tə̀ wù ùtyiə byaŋi ghu, à kwuni kwu aghê dzaŋə ani zù tə̀ wù ùtyiə byaŋi ghu.

Yesù ə bwìy mà tsə naʼà tə̀ nê tə̀ nə̀ nàʼà mə̀ sə̀ə̀ mə̀ ìndzə̀m, naʼà tsə àyiə kwùmə̀ yə̀ nə̀ yəə Zə̀kìy saʼa nəniy muə̀ tə aghù tìy ate, anə ndaw tə udzəŋə tə aghě Dzû. U zəŋi taw sòʼò aghù anə le tə tədzàŋə̀ tə̀dzə̀m tə kə də nəniy azoŋə̀ ghu.