Suosittuja jakeita Raamatun kirjasta Matie 10

Jaa

A yɩɛ, sɛ wa pä'ɛ gbï jijo'wʋ wïlaa, ‑sɩbhä n ‑wʋanyɩɛ dɛ'ɛ nɩkpa jijo'wʋ tie dɔ'wʋ. Zaa, a ‑kä möö, sɛɛ tɩmɛ 'nɛɛ'ɛ, a nɩ 'nɛɛ ‑sɩbhä. Sɛɛ ‑kpakʋ 'nɩ 'pä'ɛ nɩkpɛ 'wʋʋ, a nɩ tɩ ‑sɩbhä nɩkpɛ 'wʋ 'pä.

Sɛ'ɛ n gbää nɩɩ, ‑ɔ ‑kä 'ɔ pɩwʋʋ 'wʋ gwɩ, ɔ 'käa 'pʋ a za‑a, mɔɔ 'kää 'yli bhɩɛ. ‑Maa ‑ɔ ‑kä ɔnyɩ dlɩ ‑sɛ ɔ 'kä na gbʋ 'mö 'kuu, ɛ nɩkpɛ 'la, mɔɔ 'kää 'pʋ.

A nɩ tɩ nɩkpa ‑gu. ‑Maa wa ‑kä 'a kpökpaa 'lɩbhä 'wëë, wa'aa bhɛnɩ wa 'kä 'a 'wugaa ‑lu nʋ. ‑Maa Lagɔ ‑ɔ ‑kä 'a kpökpaa 'lɩbhä 'wë, ‑ɔ bhɛnɩɛ ɔ 'kä 'a 'wugaa ‑kosu 'mö kwää, 'mö a nɩ ‑gu.

‑Ɔ 'nɩ 'ɔ 'klʋkʋnɩsuu ‑su nzɩɩ ɔ ‑kaa ‑gänɩɩ, ɔ'ɔɔ na ‑gänɩnyɔ a ‑gba 'mö mlɩnɩ.

‑Ɔ ‑kä nɩkpabhë a 'yila 'klʋ nɩɩ, na ‑nɔ ɔ glɩnɩɛ nʋʋ, na Dɩba ‑ɔ ‑wʋ ‑mä ghäyɩ 'wʋ a 'yila 'klʋ, n yi'ɛ na a nɩɩ, na ‑nɔ ɔ glɩnɩɛ nʋ. ‑Maa ‑ɔ ‑kaa ‑lɛ nɩkpabhë a 'yila 'klʋ nimï ‑sɛnɩɩ, ‑amö na a 'yɛ, na Dɩba ‑ɔ ‑wʋ ‑mä ghäyɩ 'wʋ a 'yila 'klʋ, n yi nɩɩ ‑mɔ nɩ n 'nɔɔ ‑yi.

A nɩ yɛmanɩ guzuwaa 'wuë, a nɩ gäla ‑gäzɩ, a nɩ yɛmanɩ 'zlalɩbhäwa wa 'kä 'wlɩlɩ plɛ, a nɩ kpëti zuzukuzoku nɩkpa ‑gömö. 'Mötɛɛnɔ 'la n 'nyanyɩɛ, a ‑nɩɩɛ wʋ 'wlumö 'pɛnɩ zaa, a ‑kä libho 'la nʋʋ, ‑bɛ nɩ tanyɩ 'pɛnɩ.

Zaa, a nɩ tɩ ‑gu. ‑Maa Lagɔ a 'yila 'klʋ a dɔ'wʋ, a kä tenyii dɛsɛ, a zi 'bhuluyuëa a ‑zɩkpa 'käda 'wʋ.

A nɩ tɩ ‑tɔnɩ nɩɩ, 'na mä'ä dʋdʋ 'wʋ a yiye yi 'nglɩ ‑kä, nɩkpa 'wuë yi ‑wanɩ 'yize. Ɛ'ɛ ‑bhö sa'a ma, ‑maa ɛ yi 'nglɩ ‑kä, nɩkpa yi 'ylimö ‑sɛnɩ.