Suosittuja jakeita Raamatun kirjasta Intaliko 39

Jaa

Imfumu e Leza walinji nu Jozefu, walinji amupepwe; wikalanga mu ng’anda yakwe yisikulu umu Ijeputi

Achaleka wawisile vyonsi vino walinji navyo mu makasa yakwe Jozefu, nga muno weliwe atasakamikwanga nanti chimwi suka ndi akulya kwakwe kutupu. Jozefu wazifile nkaninye ku milolechele yakwe.

aleka ekasunga wa vingololo apa Jozefu amaka ya kusunga awa vingololo wonsi wano wanyefilwe; aleka na chonsi chino chachitwanga mwenemo, achichitwa nu Jozefu

Nga yisikulu ayiyalila Jozefu mu ng’anda ya vingololo, mu ng’anda yino awavingololo wa mfumu wiyalilwanga, amuno awamwiyalila, awakwikala mwenemo. Ukuwa Imfumu e Leza walinji nu Jozefu, amulanjizya ulukundo lukulu

Achaleka uwanda wutalile kantu, e muka yisikulu amulolechesya, amunena ati, Ulale nani. Ukuwa akana, anena muka yisikulu ati, Lola, e tatakulu atamanya ichintu chimwi chino chili mu ng’anda, swinya wapa ivintu vyonsi mu makasa yane; mu ng’anda yoo pasi wino wandusya uwusongo nanti weliwenye, swinya atayisunjila ichintu chimwi, nkandi wewenye muno we muchi; ngamuno chani chino ingachita ichintu chiwipe ndivino choo, mbembuke kwe Leza.

Ukuwa uwanda wumwi pano Jozefu wayile mu ng’anda mukuwomba umulimo wake, mutalinji nu muntu winji mwenemo, amulema umwenda, amunena ati, Lala nani. Ukuwa amusila umwenda asamalila pa londe.