Suosittuja jakeita Raamatun kirjasta Mateo 6

Jaa

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

Ne nũpema minachia k'ɨ̃risiarãt'ɨ, nũ pida Tachi Ak'õrepa mãra ak'ɨ bai pẽra. Ewaricha nepɨra minachia baipɨ.

»Mãɨpuru mɨa jararuma: mãra sãmaasã́ p'ananait'a minachia k'ɨ̃risiarãt'ɨ nek'odai k'orea, netodai k'orea ichiaba ne jɨ̃nai k'orea. ¿Tachi chok'ae bait'a chik'o k'aepẽra atepe piipará bɨwẽk'ãra? ¿Tachi k'ak'ua neet'á k'aepẽra atepe piipará bɨwẽk'ãra?

Pɨa Tachi Ak'õrea ɨt'aa chiidirude pɨchi tede eda wãse. Chi eda wãpataɨ jɨ̃at'ɨk'ari pɨchi tuaba pɨ Ak'õrea ɨt'aa chiidise. Pɨa k'ĩup'ea nepia oo bɨ Tachi Ak'õrepa unuparima. Ichiapuru pɨá nepia teaipɨ.

Mãɨpuru Tachi Ak'õrea nãɨya ɨt'aa chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma. Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. K'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.

Taiyá chik'o tease ewaricha k'odamẽrá.

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

»Waapẽarãpa mãra ne piawẽa oodada k'ɨ̃risia atuadaipɨra, mãrapa ne piawẽa oodada mãra Ak'õre pajãne bɨpa k'ɨ̃risia atuaipɨ.

Ak'ɨt'ɨ, ĩpana ne uudak'ama, ne baadak'ama ichiaba ne yaadak'ama. Maamina Tachi Ak'õre pajãne bɨpa ãchiá nek'opiparima. ¿Mãra ĩpana k'aepẽra atepe pia p'anɨwẽk'ãra?

»Nãɨ ĩjũane nepia jɨrɨrãt'ɨ minachia uru p'ananai k'orea. Nãɨ ĩjũanepema mok'osiaparima, simiapa ãriparima ichiaba nechɨapataɨrã eda wãnak'ari nechɨapatama. Mãɨ k'aepẽra chi piipará bɨ machi sõnepa k'ɨ̃riapatama. Mãɨpuru Tachi Ak'õrepa k'ɨ̃ria bɨt'a mãra pida k'ɨ̃ria p'anat'ɨ ne aba pia bɨ pajãnepema uru p'ananai k'orea. Jãma simiapa ãrik'ama, nepia mok'osiak'ama ichiaba nechɨapataɨrã p'ue eda wãnak'ama.

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Chi idiapae p'ũajãra tachia mẽa unupataɨ mãɨ norema paapatamina Tachi Ak'õrepa wapida mãɨ t'õpiparima. Mãɨ k'aepẽra ¿ichia mãrá ne piipará jɨ̃namẽrá teaiwẽk'ãra? ¿K'ãre k'orea mãɨne p'ue ĩjãanawẽma?

Pɨa nenea k'edea ne tearude waapẽarã taade jĩk'ua pedearãse. Mi ãpia pida abaɨa nepɨrɨrãse. Pɨa k'ĩup'ea nepia oo bɨt'a pɨ Ak'õrepa unuparima. Ichiapuru pɨá nepia teaipɨ.

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma. Maamina pɨa Tachi Ak'õrene k'ɨ̃risiadayá nek'odak'apɨ́ ewaride oo bɨde pɨ porode k'era wease mãɨnepa k'ĩra sɨɨse. Mãɨyara ẽpẽrarãpa k'awadaiwẽma pɨa Tachi Ak'õrene k'ɨ̃risiadayá nek'odak'apɨ́ ewaride oo bɨt'a. Aba pɨ Ak'õrepuru k'awaipɨ. Pɨa k'ĩup'ea nepia oo bɨt'a pɨ Ak'õrepa unuparima. Ichiapuru pɨá nepia teaipɨ.