Suosittuja jakeita Raamatun kirjasta མཱར་ཀུ་ལེའུ་ 10

Jaa

ག་ཅི་སྨོ་ཟེར་བ་ཅིན་ མིའི་བུ་དེ་ མི་ཚུ་གིས་ཁོ་ལུ་ཞབས་ཏོག་ཞུ་བཅུག་ནིའི་དོན་ལུ་འོངམ་མེན་ དེ་འབདཝ་ད་ མི་དེ་ཚུ་གི་ཞབས་ཏོག་ཞུ་བ་དང་ ལེ་ཤ་གི་སྲོག་ཚབ་ལུ་ རང་གི་སྲོག་རིན་སྦེ་བྱིན་པ་འོངམ་ཨིན་ཟེར་གསུངས་ནུག།

ཡེ་ཤུ་གིས་ཁོང་ལུ་གཟིགས་ཏེ་ མི་གིས་འབད་མི་ཚུགས་ དེ་འབདཝ་ད་ དཀོན་མཆོག་གིས་མཛད་ཚུགས་ ག་ཅི་སྨོ་ཟེར་བ་ཅིན་ དཀོན་མཆོག་གི་དོན་ལུ་ མཛད་མ་ཚུགསཔ་ག་ནི་ཡང་མེད་ཟེར་གསུངསམ་ད།

ཁྱོད་རང་གི་དད་པ་གིས་ཁྱོད་རང་དྲགཔ་བཟོ་ཡི་ ད་ཁྱོད་རང་སོང་ཤིག་ཟེར་ ཡེ་ཤུ་གིས་གསུངསམ་ཅིག་ ཁོ་མཐོང་ཚུགསཔ་འགྱོ་སྟེ་ ཡེ་ཤུ་གི་རྟིང་བདའ་འགྱོ་ནུག།

དེ་འབདཝ་ལས་བརྟེན་ཏེ་ དཀོན་མཆོག་གིས་གཅིག་ཁར་བསྡོམ་གནང་མི་འདི་ མི་ག་ར་འབད་རུང་ ཁ་འབྱལ་ཐག་མི་ཆོག་ཟེར་གསུངས་ནུག

ཡེ་ཤུ་གིས་ཁོ་ལུ་གཟིགསཔ་ད་ ཐུགས་བརྩེ་བ་གཟིགས་ཏེ་ ཁྱོད་ཀྱིས་འབད་དགོཔ་གཅིག་མ་ཚང་པས་ ད་སོང་ཞིནམ་ད་ ཁྱོད་ལུ་ཡོདཔ་མེདཔ་ག་ར་བཙོང་སྟེ་ ཏི་རུ་འདི་མི་སྤྱང་ཀ་ཚུ་ལུ་བྱིན་ དེ་གིས་འབད་ ཁྱོད་ཀྱིས་རྒྱུ་ནོར་ ཡར་ཞིང་ཁམས་ལུ་ཐོབ་འོང་ དེ་ལས་ཁྱོད་རང་ངེ་གི་སློབ་མ་སྦེ་ཤོག་ཟེར་གསུངསམ་ད།

ཁྱོད་ཀྱི་དོན་ལུ་ ང་གིས་ག་ཅི་འབད་དགོཔ་སྨོ་ཟེར་གསུངསམ་ད་ ཞརཝ་འདི་གིས་ རབ་བི་ལགས་ ང་ད་ལྟོ་རང་མཐོང་ཚུགསཔ་ཅིག་ མཛད་གནང་ཟེར་གསོལཝ་བཏབ་ནུག

དེ་འབདཝ་ད་ ཁྱེད་ཆ་ཁྱབ་ཀྱི་སྦུག་ལུ་ ཕྱིའི་མི་རིགས་བཟུམ་སྦེ་འབད་ནི་མི་འོང་ ཁྱེད་ཀྱི་གྲལ་ཁ་ལས་ ག་ར་འབད་རུང་ མི་སྦོམ་སྦེ་རྩི་དགོ་པ་ཅིན་ དེ་གིས་ཁྱེད་ཀྱི་སྦུག་ལུ་གཡོག་རྒྱུག་དགོ།

ང་གིས་ཁྱེད་ལུ་དོན་དག་རང་སླབ་དོ་ ག་ར་འབད་རུང་ཨ་ལོ་ཆུང་ཀུ་བཟུམ་གཅིག་སྦེ་ དཀོན་མཆོག་གི་རྒྱལ་སྲིད་ནང་ལུ་ཁས་མ་ལེན་པ་ཅིན་ མི་འདི་ཐད་རི་བ་རི་ཁོ་གི་རྒྱལ་སྲིད་ནང་འཛུལ་མི་ཚུགས།

དེ་འབདཝ་ད་ ད་ལྟོ་ཧེ་མ་ལས་ཐོན་འགྱོ་མི་ལེ་ཤ་ཅིག་རང་ ཤུལ་ལས་ལུས་ནི་ཨིན་ དེ་ལས་ད་ལྟོ་ཤུལ་ལས་ལུས་ཏེ་ཡོད་མི་ལེ་ཤ་ཅིག་རང་ ཧེ་མ་འཐོན་འགྱོ་འོང་ཟེར་གསུངས་ནུག།

དེ་རང་ཨིན་རུང་ འགོ་དང་པ་དཀོན་མཆོག་གིས་ གནམ་དང་ས་མཛད་པའི་སྐབས་ལུ་ མི་ཕོ་དང་མོ་གཉིས་ལུ་མཛད་ནུག་ དེ་འབདཝ་ལས་བརྟེན་ཏེ་ མི་ག་ར་ རང་གི་ཕམ་བཀོག་བཞག་སྦེ་ ཁོ་རང་གི་ཨམ་སྲུ་དང་གཅིག་ཁར་བསྡོམ་སྟེ་སྡོདཔ་ཨིན། དེ་བསྒང་ལས་ལུས་གཉིས་གཅིག་ལུ་འགྱུར་ཏེ་ ཁོང་གཉིས་སོ་སོ་སྦེ་མ་བརྩིས་བར་གཅིག་སྦེ་བརྩི་འོང་།