Suosittuja jakeita Raamatun kirjasta Mi cilima 3

Jaa

O pua den laa ke bu tibu bonluonkaala mani mi jiema po, ki go ŋani bu nunbu po, ki tie yaa bonbuadila n baa teni o nilo n baa mi yanfuoma. O den cie bu bonluonkaala ki ŋmani, ki puni o calo yua n den ye o kani, ke omo ŋmani.

U Tienu n den tagi yaa moayandi kuli siiga, o wa n den fani ki cie bikuli. O wa yeni den yedi o pua: «Naani li li tie moamoane ke o Diedo yedi: ‹Yin da ŋmani u koaŋamu tiidi bonluonkaala kuli?› »

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

O den yedi o pua: «N baa pugini a po fala ŋan punbi yaa yogunu. A baa maa leni fala. A gbanandi bonbuakaala baa teni ŋan ŋoadi a calo, O baa diedi a.»

A baa soani li tuonli ki mande, ki nan baa li bonjekaala, Hali ŋan baa guani ki tinga nni, Ŋan den ñani naankani, Kelima a tie mi tama, ki go baa guani mi tama nni.»

O den yedi o joa: «Nani ŋan cengi a pua maama, Ki ŋmani min den kuani a ŋan da ŋmani yaa tibu bonluonkaala yeni, Ki tinga baa tua ti solindi yaaga, kelima fini yaa po. A baa yaa baadi ki niinni a bonjekaala leni fala, Hali a miali banlu.

Li Miali Diedo U Tienu den yedi: «Ŋme n waani a ke a ye mubima? Naani a ŋmani min den kuani a ke ŋan da ŋmani yaa tibu bonluonkaala yene?»

Wan den deli Adama yeni, o den sieni selubanba ke bi fuundi yaa jugisiemu n pia u mu Edeni koaŋamu puoli, ke ban yaa guu li miali tibu sanu.

Adama den yini o pua yeli Awa, kelima o den tie mialifo kuli naa.