Suosittuja jakeita Raamatun kirjasta MI CILIMA 15

Jaa

Abalama den daani Li Miali Diedo yedima po, lani yaa po Li Miali Diedo den coadi opo la ke li tie teginma.

Laa bonla kuli n den pendi, Li Miali Diedo den maadi leni Abalama li bonlekaala nni ki yedi o: «Abalama, ŋan da jie, n tie apo a gbankoandigu, ŋan baa baa yaa panpaani baa yaa yaba boncianla.»

O den teni ke o ñani o gbandieli nni ki yedi o: «Diidi tanpoli ŋmabila ki coadi ŋa, a yaa sua ke a baa fidi.» O go den yedi o: «A puoliŋuani baa yaba yeni.»

Lanwani Li Miali Diedo go den maadi leni o ki yedi mine: «Laa tie wani ka baa tua a faajielo, ama li baa tie a bimadiga yua n baa ña a tugu nni, wani n baa tua a faajielo.»

Li Miali Diedo den yedi Abalama: «Ŋan bandi ke a puoliŋuani baa ti faa ki kali diemaba nni ki yaa tie canba. Bi baa tua yonbi laa diema nni ban waani ba fala hali bina kobinaa.

Abalama den goa ki yedi: «N Diedo, Li Miali Diedo ŋan baa pa nni yaala pia npo mi laa fuome ke n caa ki baa kpe kaa pia biga? Lanwani yua baa tua min pia yaala kuli yaa faajielo baa tua Damasa dogu yua Elieseli n yonbo yeni.»

Laa daali denge ke Li Miali Diedo den kuani o * ŋantaado leni Abalama ki yedi o: «N puni a yaa yaabila mi naa diema ki cili Ejipiti yaa kpenu ki gedi hali u kpenciamu, lani n tie Yufilata.

Nifiima naa yaa yogunu, bi baa guani ki yaa ye nekanba kelima li baa sua ke Amola yaaba biadima yabidi ki tuoni mi bianu.»