Suosittuja jakeita Raamatun kirjasta YOHANA 15

Jaa

Aniini geawooschi sabiibu, goowooschi agooga damealga. Siida abiida jeedeanyu, nea geabiidi aniini jeadaanyi, siisi gaygwaji haghweega saang'a, aba gideaba iimeandani aniini ea moamuusi asina eara gil.

Oopiidana jeedeanyu, nea geabiidi jeesingeagwa. Gawuurji gidamoamuusta damealeanda gwaji haghweega nea gaba geaw, nea mwanoasa sabiibu, gwasunu eara agooga, moamuusi ajiila haghweega iimoopiidani jeedeanyu.

Iyoopiidi jeedeanyu, nea goobiida ng'asheegeasu jeesingeagwa, abeeda amusa gida wassean oogasayi ak gajeesineegwa.

Aniini moaloadaan agooga, ghaaloacheagwa aniini ak ghaanung' aweayeena ak goojiili haghweega jea ghwashng'u; ak abeeda gagooneegwa Bwaabwa gida wassean iyoomuschi aba gheawungeasu.

Manda siida mideawa bariinyeega huumwa ea ghwalaabwa hoowa nih, bea gideaba ghoaghaashta siida eaweagaaschi aba badahuuka fuga duupchiin gil.

Gilinyoo ea damealeanda gil mida jeedeanyu iimaji haghweega, iissa ghwalach, nea gilinyoo ea damealeanda jihi iissa gwasisin, ak abeeda gwaji muuchi.

“Nih digheandeanyu gil, ak goobariinyiidi geat gidabwariiydaneegwa aniini.

Aba nih geakghambiit Bwaabwa, iissa iyoojiili haghweega saang'a, nea ghoahuuyi giinealangeasu.

“Aniini geawooschi sabiibooda huumwa, nea Bwaabwa ea siida bea madamnyeanda.

Siida wassean meabiidana jeedeanyu, gajealach ak ghaghajaamiit; iissa gageanu damealga ak ghoamughuush, ak gwajaksa jeeda beasta ak goosha.

Asi nearukuneegwa ng'asheesu ak abeeda goobiida hooseaneegeasu jeesingeagwa, ak abeeda ghwahit hooseaneegeagwa.

Iyoang'waanyi diigheanyeekeasu, gajoopiidana jeeda bariinyeegeasu, ak gawuurji gida aang'oaydi digheanyeeka Bwaabwa nea geabiidi jeeda bariinyeagaaschi.

Asi geagonyeegwa diigheanji, abwariinya geat.

Inyeeda ghwanyawa goobeayi ng'eanyiida, gwachi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaaloacheagwa aba jeeda ng'eanyiida, aba sareani ghwasteagwa ng'eanyiida.