Suosittuja jakeita Raamatun kirjasta YOHANA 10

Jaa

Mareanghweanda iissa ghwaan gwajagwadiischi nea gwanuus nea ghwadatas; aniini ghaawunyi ghwanyasa eaweega ea ghwanaawda.

Aniini geawooschi haghweadoocheanda miy. Haghweadoocheanda miy iissa ghoaghaashta eaweagaaschi aba badayda gisilga.

Gisilgeasu ghwayiiy ghuuteanyu ak ghaanali saawa ak gweadu geeshteanyu

aniini iissa ghaadawji eaweega manda muudeanooda, ak eara saawa ghanyea maygwarooda earahay ea ghoah eaweega manda muudeanooda, nea ghanyea manda siida ammu gageandeawa geatindeanyu.

Aniini geawooschi gidaghuuta, siida iiweah gah nea gwasku heedeanyu gajeelealu, gaygawa gah nea gwardu ak abeeda gayghwanyas haghweeda.

Aniini geawooschi haghweadoocheanda miy; aniini ghaanali geasu ak eara geasu ghwanalan

Bwaabeedeanyu, goonan ea haweewa sean, ak ghanyea manda siida ammu gageanda saawa aba geatinga Bwaabwa. Aniini sea Bwaabwa geawooschi gilagi.”

gidanaldanaan Bwaabwa, ghaanali Bwaabwa; aniini ghaaghashti eaweegeasu aba badahuuka gisilga.

Manda siida geandeawanean, ghaaghashti aniini aba uhuudeanyu nea gabwageaw. Geandeawi uurda jea daghashtaawa ak geandeawi uurda jea dabiikta dageana; nih gidaghayi adeaganean Bwaabwa sinooda.”

Gabiikta Yesu gicha ak gwayeesha, “Aba huumwa, aba huumwa, geayeeshiineegwa, aniini geawooschi gidaghuuta gisilga.

Siida siitaw gidageatinda mawoosa haghweadoocheanda biissa gisilga ea mii gaaschi, iidaah suuyeanda nea ghwaan, gwanung'usa heeda gisilga ak gamng'aw; ak ghoang'waay suuyeanda ak ghoadaarda.

“Aba huumwa, aba huumwa, geayeeshiineegwa, siida wassean masiga gidaghuuta ak gawa jeeda gheeda gisilga amadu ghamwaasta ak ghwala nawa nuut, siisi mareanghweanda gil nea gooreedi fih haleanjeeda