Suosittuja jakeita Raamatun kirjasta Embandizo 17

Jaa

Aburamu kayabaire aina emyaka kyendai na mwendai, Omukama amubonekera amugambira ati, “N'inye Ruhanga Rushoborabyona. Ompulire mara okore kurungi.

Eibara tokyetwa Aburamu, orayetwaga Aburahamu, aha rw'okuba nkutaireho kuba ishe amahanga gangi.

Ndigumisa endagano yange na iwe, nshube ngigumise na baijukuru bawe abalikuruga enyuma, ebe ndagano y'ebiro byona n'eirai lyona okwo ndiba Ruhanga wawe mara Ruhanga wa baijukuru bawe abalitabuka ahali iwe.

“Leba, nakora endagano na iwe, mara oliba ishe amahanga gangi.

Ruhanga agamba ati, “Chei, mukazi wawe Sara naija kukuzalira omwana w'obwojo, n'eibara oramweta Isaka. Ndikora nawe endagano ey'eirai lyona hamoi na baijukurube abalimuruga enyuma.

Ensi egi ey'osisiiremu ndigikuha iwe na baijukuru bawe abalitabuka ahali iwe. Ensi egi ya Kanaani eliba yabo amakiro gona, mara inye ndiba Ruhanga wabo.”

Aho Aburahamu ajumara ahansi, kyonkai atekeleza nasheka ati, “Omushaija w'emyaka kikumi yakuzara omwana? Sara ow'emyaka kyendai aije azare omwana?”

Ruhanga agambira Aburahamu ati, “Kandi mukazi wawe tokimweta Sarai, aha rw'okuba eibaralye arabaga Sara.

Muratahirirwaga; okutahirirwa okwo kurabaga kabonero k'endagano yange na inywe.

Kyonkai Isaka owo Sara arakuzalira mwaka oguraija makiro nk'aga, ndikora nawe endagano.”

Omwana w'obwojo ow'ebiro munana aratahirirwaga; buli mushaija omu mizarwa yanyu yona, yaba mwiru azaliirwe omwawe anga aguzirwe empiha aha munyamahanga wea wea, atali mwana wawe. Azaliirwe omwawe n'ow'oguzire empiha aratahirirwaga. Nikwo endagano yange ey'eirai lyona eramanyikira aha mibili yanyu.