Suosittuja jakeita Raamatun kirjasta MATAYO 6

Jaa

Mira rongaendani vufumwa vwa Mrungu na kitea chavwo, na ivyo vyose muneongejijwa.

Heicho musibinukie cha yavo, ambu yavo inekubinukia yo njenye. Ambu kila msi ukolokiwa ni mabinuko awo.”

Heicho nimutio, ‘Musibinukie moo wenyu iti mule ni, kana munwe ni, neri mwiri wenyu iti mudoke ni. Moo nhii teukelile kijo, na mwiri teukelile suke?’

Mira we wekiomba, ingia he chumba chako cha ndeni, ukinafinga luvwi, unamwombe Vaveo kimpiso, na Vaveo evona vya mpiso, enekutumulila.”

Heicho unywi ombani huvu, ‘Vava wetu weho uko wanga, Izina lako ligimbikwe, Vufumwa vwako vuze, Kikundire chako kifunyanywe kunu he masanga, Sa vuntu chefunyanywa uko wanga.

Utuinke yoo kijo chetu.

Utushighie rando jetu, Sa vuntu na uswi twevashighia varando vetu

Usitugere he mighesho, Mira utukije he ula mvivi. [Ambu vufumwa na nzinya na ngazo, ni vyako kae na kae. Ameni.]’”

“Ambu mwekivashighia vantu mateshanyo avo, hata Vava wenyu wa uko wanga enemushighia na unywi.

Rerehani madeghe a wanga! Teehanda neri teefindika, neri teevunganya he gu; na Vava wenyu wa uko wanga earera. Hama unywi temuakelile?

“Musikuvanzie ndungu he si ii, hantu jekondwa ni mpeghesa na nkanga, na vebaa na kuiva; mira unywi kuvanzieni ndungu uko wanga, hantu hesikondwa kintu ni mpeghesa neri nkanga, neri vakea vesibaa neri kuiva. Ambu hantu ndungu yako yeho, niho hantu na ngoro yako yeneikaa.”

“Tehena mntu eidima kutumikia vabaha veri, ambu enemvihiwa ula mmwe na kumkunda ula ungi, kana enegurana na mmwe na kum’bera ula ungi. Temuidima kumtumikia Mrungu na mari.

Heicho kakicha Mrungu edoka mani a he mighunda huvo, nao eikaa yo na yavo agerwe he ivivi; tekazike kumudoka unywi kukela, mu va mwitikijo mghere?

Mira we wekiinkija itasi, neri mkono wako wa kumoso usimanye icho mkono wako wa kume weketa; nesa itasi lako lioke la mpiso, na Vaveo evona kwa mpiso enekutumulila.”

“Kucheieni, musironge vyedi vyenyu he meso a vantu, nesa murerehwe nivo; ambu mwekiketa huvo temukavone kitumulilo he Vava wenyu wa uko wanga.

“Kangi mwekikuima, musioke sa valung’ong’o vena mavusho ejingije, ambu veharusha mavusho avo nesa vavonwe ni vantu iti vechungie. Kididi nimutio, ‘Vakenja kughuha kitumulilo chavo.’ Mira we wekikuima, uvire mtwi wako mafuta, uoje na vusho vwako; nesa kukuima kwako kusivonwe ni vantu, esire ni Vaveo eho mpisoni; na Vaveo evona vya mpiso, enekutumulila.”