Suosittuja jakeita Raamatun kirjasta Kut 3

Jaa

Mbwenu ogwo mukazi ku yaareebire ogwo muti guri murungi kuriibwa, niguhuzya owaagureeba kandi nigwetengwa kuhaisa omuntu obwengye, atyo yaacwa aha bijuma byagwo, yaabirya; kandi yaabihaho iba, nawe yaabirya.

Enjoka akaba eri enyabwengye okukira enyamaishwa zoona ezi Mukama Ruhanga yaahangire. Egyo njoka ekabuuza ogwo mukazi, eti: N'ekya buzima Ruhanga akabagira ngu mutarirya ebijuma by'aha muti gwona ogw'omuri eki kibanja?

Ndyakwanganisa n'omukazi, oruzaaro rwawe n'orwe bibeerane abazigu. Orwo ruzaaro rukuhondahonde omutwe, naiwe orurume ekitsintsiino.

Atyo akubuukana omukazi amugira ati: Ndyakukanyisiza obusaasi noozaara, ozaare abaana nooshaasha. Ebyo nobu biriba bityo, oryaguma oyetengye baro, haza akutegyekye.

Oryarya ebyokurya ebi otuutukiire; okuhitsya obu origaruka omu itaka; ahabw'okuba niryo waihirwemu. Ori omucuucu, kandi omuri ogwo mucuucu nimwo origaruka.

Bwanyima yaagira Adamu ati: Ahabw'okuhurikiza ebi omukazi waawe yaakugambira okarya ahari ogu muti gu naakuzibiire, nti: Otariguryaho; eitaka ryakyeenwa. Oryaguma orye ebyamwo obihendekyeire ebiro by'amagara gaawe goona.

N'onu amubuuza ati: N'oha owaakugira ngu ojwaire busha? Waarya aha muti ogu naakuzibiire kuryaho?

Yaabinga ogwo mushaija; kandi aha rubaju rwa burugwa-izooba bw'omusiri gwa Edeni, yaataho baakerubi na rurara erikutyankana, kandi erikuhindukira oku n'oku, kurinda omuhanda gurikuza aha muti gw'amagara.

Ogwo mushaija atyo ayeta omukazi we eiziina Eva, ahabw'okuba akaba nyina w'abaine amagara boona.