Suosittuja jakeita Raamatun kirjasta Matio 19

Jaa

Yěsô líe wɔ́b tà ńgɔɔn ngie: Á cʉa pɔ́ pʉ̀a mesoŋ, e Ssé ku’u légÿo kɔ́ɔkɔ́.

Á fó ná fʉ̀’ó pɔ́ té gíŋe ńgwɔ́ pʉ̀a mépʉ́a wɔ́, pɔ́ cʉ́’ ńgwɔ́ pɔ́ tà’ nyìŋ. Pú’u la, nyìŋ mesoŋ pɔ́ɔn léfege mmó gie Ssé temté.

Yěsô zɛ́te wɔ́b ngie: Pi tè tóŋo ŋwà’ne Ssé ńjú’ wɔ́ ka? Mé la ŋwe’e ngie: «E Ssé la fó nùŋe ngwòŋ ḿbwóon mámbàŋa pɔ́ manzwě». Áa mmó gie á gÿo nyìŋ ńnéŋe tà fag nnɛ́ ye ná tá we pɔ́ má we, ńgʉa ńda nnɛ́ ná we manzwě, pɔ́ yé temte ńcʉ́’ʉ tà’ nyìŋ

Yěsô gɔɔn ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b, èpʉ̀a pie ée pá’ gubé zɔ̌ gẅiin nò ná *lefùɔ Ssé

Tá’ lelÿò pàgwɔ́ mvfò fʉ̀’ɔɔn, ge lá’ cʉ́’ pàgwɔ́ nzèm, lelÿò pàgwɔ́ nzèm fʉ̀’ɔɔn e lá’ ńgwɔ́ pàgwɔ́ mvfó

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Yěsô tsɔ́’ɔ mbwó yé ngie: Ɔ̀ lɔɔn ne fa’a lémege ńcʉ́me, ɔ̀ gʉa sẅiŋ shúm sie ɔ̀ gẅiin ntsèm, ńná nkáb mbwó pàtèmmó, ńdeen ńké ndá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Yěsô zɛ́te yé ngie: Mélà’a kɔ́ ɔ̀ zɛ́te wɔ̀ɔn nò ná mmó gie áa mbòŋ? Nyìŋ mbòŋo gwɔ́ pɔ́ wémɔ’ɔ́. Ɔ̀ lɔɔn ne ńkwoŋo ngie pi Ssé gwɔ́, ɔ̀ kú’te mbʉ̌ mé.

Mèŋ, n ge gíŋ ńnyɛte shwóŋó gẅi ngie, á zeŋe mbwó shÿɔ́ɔ léshúu tsɛ̀ɛ njwòŋ lesyɛ’ɛ́, ńcʉa ngàŋa mmó lézẅíŋ ngie Ssé zɔ cʉ́’ʉ sá’a yé.

Mèŋ shwóŋó gẅí, nyìŋ lɔɔn ńjwoŋo nzwě we té gwɔ́ pɔ́ ngie à gÿǒ gÿɛ́, ńzɔ́’ɔ tsɔ̌, mbà ngàŋ gÿo pɔ́ gÿɛ́

Yěsô gɔɔn mbwó *ngàŋa kwò yé ngie: Mèŋ shwóŋó gẅí, kwà’ nénʉ́, ngie: Á tʉʉ mbwó ngàŋa mmó lézẅíŋ ngie e Ssé zɔ cʉ́’ʉ sá’a yé.