Suosittuja jakeita Raamatun kirjasta Lukase 14

Jaa

Nyìŋ lɔɔn ńcʉ́me nzèm mèŋ, à tè kwoŋo wɔ̀ɔn ńcʉa tá we, ńcʉa má we, ńcʉa nzwě we, ńcʉa pènkʉ́ pé, ńcʉa mefɛ́ pé pe mbàŋa mbɔɔ pe pànzwě, ńcʉa mbɔɔ kwà’ twó mbùm yé wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Nyìŋ lɔɔn tè kaa yé tÿǒ nkǐ ńdɔgɔ ńzẅíŋe lékwé, tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́.

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Nyìŋ gẅi lɔɔn ne ńgee ńkwɛ́ máa ndá, mbà à ge zɔɔn ńnéŋe ssé kwaŋte shúm fà’, é zsé nzẅìŋ nkáb gie ńgwɔ́ á lɔg ńkwɛ́ tà ńgyá é ku’u ná ye, ḿbɔ́gɔ lénuŋe cÿó, ndá ńcʉa yé. Mé lá’a ńzɔ́gɔ ńgyá ńgẅe yé ngie: Gyá pá’ tsɔ̌ nyìŋ wá la zye ndá, à tè ku’u lémege wɔ́.

Ɔ̀ la’ ne ńtóŋo línɔ́ɔn, ɔ̀ tóŋ pàtèmmó, ńtóŋ menkÿǒon, ńtóŋ pànkème kwò, ńtóŋ pàfʉ̀ menÿɔ́g. Ɔ̀ gÿo pú’u, mbà ɔɔ shÿó mbòŋo, mélà’mie à lɔɔn ńgwɔ́ pɔ́ le tsɔ́’ shʉ́’ gú wɔ́, pú’u, e Ssé lá’ ńtsɔ́’ɔ fà’ ɔ́, á fʉ̀’ gie pʉ̀a pé ge lá’ zíme nà legwé.

Ngwáŋ ée mmó mbòŋo, tá ńgwɔ́ gie é lɔɔn ńcʉ́’ ńdebe lebe, mbà à lɔɔn ńgwɔ́ mé gÿo lêkɔ́ tà é gíŋe ńdʉm? Mɛ̌ ngwáŋ ńgwɔ́ é ke le tsetsá’ kẅéte, à lɔɔn ńgwɔ́ mé le lɔg ńgÿo kʉ̀ŋe wɔ́, mé ŋwa ḿma’a pǐ. Nyìŋ lɔɔn ńgẅiin metwoŋó lélɔg ńjú’u nò, á jú’.