Suosittuja jakeita Raamatun kirjasta Pomulanya 4

Jaa

Ane korom mangika to singkonong pei Aku, korom damasanang rayamu. Pei ane korom taa mangika to singkonong pei Aku, ane ewa see korom taa damasanang rayamu apa korom mangika dosa semo. Wali dosa etu raporapaka ewa asu to maja’a kiranya to mampea ri sambali mbombo rani mangansoko korom. Wali dosa to raporapaka ewa asu to maja’a kiranya, dosa etu sangkani rani mangagoda korom, pei korom taa maya taa mangewa dosa etu naka ne’e mangika.” Etu semo to nato’oka i mPue Yawe i Kain.

Wali yako etu i Set mawali baemo panewa ia re’emo seja ananya. Wali ananya etu ana langkai to isangakanya i Enos. Wali ri raya ngkatuwu i Enos etu, tempo etu tau mamulamo mampake sanga i mPue Yawe tempo sira mampue mampakabae Ia.

Wali yako etu i Pue Yawe mampogomboka wo’u i Kain, Ia mampotanaka, “Imbamo i Habel, tua’imu etu?” Pei i Kain mangansono, “Gete, taa kunsani! Si’a aku to mangkampang tua’ingku etu!”

Wali i Pue Yawe manganto’o, “Maka pei korom mangika palaong to maja’a etu? Korom roomo mampopate yau a’imu apa raanya roomo nasimisi yau ri tana. Wali raanya etu raporapaka ewa loo ntau to kaboo-boo mamporapika resi Aku mamponsawaka ia. See naka Aku mangantanaa korom, Aku damangika see yako ri tempo si’i korom tamo damangarata dale yako ri tana.

Pei i Pue Yawe mangansono, “Taa monso korom danapopate yau ntau. Apa ane bara re’e tau to mampopate yau korom, ane ewa see pitu ngkani kabeunya huku to danarata ntau etu pei huku to irata ngkorom si’i.” Wali ojo panto’o i mPue Yawe gombo etu Ia mangantondong i Kain. Naka pei Ia mangika palaong to etu see i sema-sema tau to dasimparata pei i Kain, tau etu damangkita tondong etu pei damanasa ia taa kojo maya darapopate yau.