Suosittuja jakeita Raamatun kirjasta Génesis 13

Jaa

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Lot chachan sarjjatapatsti, Tatitojj Abramarojj sänwa: “Cawqhanctatejj ucqhat wali uñatatam amstaru, aynacharu, inti jalsu tokeru, inti jalanta tokeru

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).