Suosittuja jakeita Raamatun kirjasta KĨAMBĨRĨRIA 6

Jaa

Nake Jehova agĩkĩĩrira nĩ ũndũ wa kũũmba mũndũ atũũre gũkũ thĩ; ũndũ ũcio ũkĩmũiguithia ũũru ngoro.

Nake Jehova akĩona atĩ ũũru wa andũ warĩ mũingĩ mũno gũkũ thĩ, namo methugunda mothe ma meciria ma ngoro ciao maarĩ o moru hĩndĩ ciothe.

No rĩrĩ, Nuhu nĩ gwĩtĩkĩrĩka etikĩrĩkire nĩ Jehova.

ICI NĨCIO njiaro cia Nuhu. Nuhu aarĩ mũndũ mũthingu, na ningĩ aarĩ mũkinyanĩru mariika-inĩ ma ihinda rĩu rĩake; na rĩrĩ, Nuhu ũcio nĩaatũire e mũthiritũ wa Ngai.

Nake Jehova akiuga atĩrĩ, Nĩngũnina andũ aya ndatũmire magĩe kuo, mathire thĩ, gwata andũ o ene, na nyamũ iria cia magũrũ mana, na tũnyamũ tũrĩa tũtambaga, o na nyamũ iria ii njoya cia rĩera-inĩ, nĩ gũkorũo rĩu nĩndĩĩrirĩte nĩ ũndũ wa gũciũmba.

Na gũgĩkinya atĩrĩ, atĩ hĩndĩ ĩrĩa andũ maambĩrĩirie kũingĩha gũkũ thĩ, na magĩciarĩrũo airĩtu-rĩ, ariũ a Ngai makĩona atĩ airĩtu a andũ nĩ athaka; magĩkĩhikia o arĩa methurĩire magatuĩke aka ao. Nake Jehova akiuga atĩrĩ, Roho wakwa ndangĩtũũra agianaga na andũ o hingo ciothe tondũ o nĩ mwĩrĩ o ro ũguo; no rĩrĩ, mĩaka ĩrĩa marĩkinyagia ĩgũtuĩka igana rĩa mĩrongo ĩĩrĩ. Na rĩrĩ, nĩkwagĩire kĩruka gĩetagwo Anefili gũkũ thĩ matukũ macio o na thutha wamo, o rĩrĩa ariũ a Ngai maatonyaga kũrĩ airĩtu a andũ, nao airĩtu acio makamaciarĩra ciana; nacio ciana icio-rĩ, nĩcio njamba iria ciarĩ cia tene, o andũ arĩa maarĩ igweta.

Ũguo noguo Nuhu ekire; maũndũ marĩa mothe aathirũo nĩ Ngai eke, noguo ekire.

Nake Ngai akĩĩra Nuhu atĩrĩ Ũrĩa nguona-rĩ, nĩ atĩ ithirĩro rĩa andũ othe nĩ ikinyu, nĩ ũndũ thĩ nĩĩiyũrĩtwo nĩ maũndũ ma ũhinya nĩ ũndũ wao; na rĩrĩ, nĩngũmaninanĩria hamwe na thĩ.

Wĩakĩre thabina na mĩtĩ ya thithinda, nayo thabina ĩo thĩinĩ ũmĩtinangie tũnyũmba; ningĩ ũcoke ũmĩthinge thĩinĩ o na igũrũ na rami.

Na rĩrĩ, Ngai akĩrora thĩ akĩona atĩ nĩyathũkĩte, nĩ ũndũ andũ othe nĩmaathũkĩtie mĩthiĩre ĩrĩa maathiaga nayo gũkũ thĩ.

Nakĩo kĩrĩa gĩothe kĩĩ na muoyo kĩa mwĩrĩ o na ũrĩkũ wa nyama-rĩ, ũitonyie thabina ĩo thĩinĩ, o mũthemba igĩrĩ, o mũthemba igĩrĩ, nĩ getha ũciikarie muoyo ii hamwe nawe; itonye, o mũthemba njamba na nga.