Suosittuja jakeita Raamatun kirjasta PĚNDARIADI 37

Jaa

Piạ su sěhěbi i Yusup kai nipi, kụ sarangke i sie nẹ̌běkeng ipine ene su manga tuhange, tangu saunengke nahuntinambang kawawěnsinge i sire si sie.

I Yakub něngalembong kakěndage si Yusup bọu kěbị anạ e wal᷊ine, batụu i Yusup e niwantelẹ̌ su tempong i amange seng maghurang. Piạ su sahěllo i sie nẹ̌koạ pakeang i Yusup manandụ kụ tawẹ sihinge kal᷊ěnggihe.

Ene manga tuhang i Yusupẹ̌ e nakasilọ e u i amang i sire e kawe limembong kakěndage si Yusup boʼi sire, tangu nawěnsingke i sire si Yusup, hakịeweng i sire tawe mapulu mẹ̌bisaran sie mapia.

Bọu ene i Yusup saụewe nipi, kụ i sie nẹ̌bera su manga tuhange, ”Iạ saụewe nipi u, nakasilo matangěllo, wul᷊ang dingangu wituing mapul᷊o ěsa e nẹ̌suba si siạ.”

Manga tuhang i Yusup němpananoi si sie, arawe i amange mangkeweng mẹ̌sẹ̌sipirʼu ipi ene.

Kai ini e nịbawerang Yusup si sire, ”Kěnnangko pěmpẹ̌daringihẹ̌! Iạ nipi u i kitẹ kěbị kai kapěmẹ̌měkise gandung su waelẹ̌, kutẹu wine wěkisẹ̌ku e kai rimarisị matei. Arawe wine wěkisʼi kamene ute kai timatal᷊iwung biněkisẹ̌ku kụ bọu ene nẹ̌suba si sie.”

Mapiawe pateěng i kitẹ e i sie, kụ bunsal᷊eng maietʼe su ral᷊ungu pahighi mamara. I kitẹ hědo maul᷊ị u i sie kai nitěmboěngu binatang dul᷊u. Hědo kakěllaěng i kitẹ měnsang kereapa kakakoạ u manga ipine ene.”

kụ piạ e pirang katau mal᷊ahumbal᷊ụ tau Midian němpahunsahe, i Yusup niapasěbang u manga tuhange, wọu ral᷊ungu pahighi ene mase niwal᷊ụ su tau Ismaelẹ̌ e arěgang duam pul᷊o su kal᷊ěpane roitẹ̌ sal᷊aka. Bọu ene i sie niwawang sire mal᷊ahumbal᷊ụ ene sol᷊ong Misirẹ̌.

Angkuěng i sire sěngkatau su wal᷊ine u, ”Kakěllạ e mahi itaha ipi.

Bọu maraune i sire seng nakasilo si Yusup, kụ kal᷊imonang i sie reng tanạhumpạ u anun sire, ene i sire kai sěngkanaung mamate si sie.

”I kitẹ e měmunsal᷊ʼi sie sol᷊ong dal᷊ungu pahighi pai su kěhu l᷊inggi e; kụ abe wěbahẹ̌ arau abe pakal᷊esẹ i sie.” I sie nẹ̌bera kerene ual᷊ingu i sie kai mẹ̌kẹ̌karaki mědeạu mapakal᷊iwirʼi Yusup kụ irolohe i sie pakapul᷊ẹ sol᷊ong bal᷊e.