Suosittuja jakeita Raamatun kirjasta PĚNDARIADI 32

Jaa

Tau ene nẹ̌bera, ”Arengu seng bal᷊inewe i Yakub. I kau kai seng něhawạ u Ruata ringangu taumata, kụ i kau kai seng nakauntung kụ ual᷊ingu ene tangu arengu kai seng nakoạ Israel.”

Ene něberạ e tau ene u, ”Pěllọ e iạ; měntěhang matangěllo e seng ta mararěnna suměpụ.” Angkuěng i Yakub, ”Iạ e tawe měměllọ i Tuang, tabeạu katewe i Tuang měngal᷊amatẹ̌ si siạ.”

Arawe i sie ute nẹ̌těngkatěntang sẹ̌sane. Tangu narěntạ e tau esẹ sěngkatau něhawạ dingangʼi Yakub sarạeweng nanětạ e mạbira.

Bọu ene i Yakub něbera u, ”Iạ e seng bọu nakapẹ̌sombang u Ruata, ghati ringangu ghati, kụ iạ e mang dem biahẹ̌.” Ual᷊ingu ene tampạ ene nisěbạ e Pniel.

Sarạeng tau esẹ nakapěndang u i sie kai tawe makawatạ su pẹ̌dal᷊ahawạ ene tangu, niwěbahe i Yakub su pěnade sarangkewe ruhing běngkile napeho su lensorange.

”I sai arengu?” angkuěngu tau ene. ”I Yakub, ” Sasimbange.

I Yakub něbera, ”Kụ paul᷊ịko kai i sai areng i Tuang.” Kai tau ene simimbang u, ”Tawahal᷊uasu i kau makiwal᷊o i sai arengku!” Mase nial᷊amatenge i Yakub.

Iạ e tawe hinone makatarimạ kal᷊awọu kakěndage dingangu kasasatia kụ seng nitodẹ u MAWU si siạ. Piạ e iạ nạung l᷊imiu Sal᷊ụ u Yordan, iạ e tawe nẹ̌bawa apa-apa tumbạewen těkingku e. Kụ ini e iạ seng diměnta kapia ringangu nakoạ gapaěng darua.

Sarang orasẹ̌ ini hiten tau Israelẹ̌ mang tawe kumakinạ ihạ u wěngkilẹ̌ su wowon tueʼm běngkilʼu binatang batụu i Yakub kawe nikahinongu wawěbahẹ̌ su wěngkile.

Bọu ene i Yakub nẹ̌kal᷊iomaneng, ”O Mawu Ruata, sẹ̌sěmbaěng i upungku i Abraham, dingangu i amangku i Ishak, daringihẹ̌ko siạ! MAWU seng něndolohu iạ pinakapul᷊ẹ sol᷊om banuaku sol᷊ong anung manga anạ u sěmbaụku. Ringangu MAWU e nẹ̌kědo sarung měhundugẹ̌ patikụ sabarang pakapia waugu iạ.

Iạ mědẹ̌dorong sěngapam botonge, ambange wue iạ bọu l᷊iman tuhangku i Esau. Iạ mạtakụ kiwuạ u i sie ruměnta měngalo ringangu měnilakạ si kami kěbị, baẹbe manga wawine ringangu manga rariọ.