Suosittuja jakeita Raamatun kirjasta Matiɔ̌n 5

Jaa

Nyu wùɛ slě wɔ̀ bɔ tù nǎpe jleě plě bɔ chlì ɛ plɛ̌ dlǒ, kɛɛ ɔ kɔn bɔ tùǒ ɛ kǎ slè bo ɛ mǐ nyopò wùɛ pepě nye. Dɛɛ doǒ nɛ̀ ɛ mono, ba sɔnʼǒ aa de nu kmɔ̌ mɔ̀ mǒ bɛ tee kàan dɛ keǒ nyopò jemǒ ɛ̈ di ɛɛ numa bǔ jě ale kàan kpniǒ a nii, u mǐ aa Gbeǐǒ neěe jɔkɛn Ɔɔ nynɛ̌ le po.”

È de amoà a wǒ je pepě keǒ kmɔ̌à mɔ̀. Diěà ɛ̈ neěe togbee dlǒ nyu slě wɔ̀ bɔ wɛ̌ lɛ.

Ɛ moo ngmna keǒ nyopòà mɔ̀ ü kɔn wlè snǎ lěe kɛne. Mɛ̌oǒ joo nɛ̀ moo nù miǎ Nyesoa jěba.

Ɛ moo ngmna keǒ nyopòà mɔ̀ ü kɔn fě nymɛ̌ɛ keǒ bü nuu Nyesoaa kɛn wɔɔn dɛ. Mɛ̌oǒ joo nɛ̀ moo Nyesoa mi uu plɔ blooba.

Kɛɛ Ě tmɛɛ̌ ane, a noɛɛ aa jlae nyo mǒ, a bàteǒ nyopòǒ uu tà ü tè aa tè mɔ̀

“Ɛ moo ngmna keǒ nyopòà mɔ̀ ü tìeǒ uu chɛ̀ ja. Mɛ̌oǒ joo nɛ̀ moo Nyesoa Nɔ̀ kɔn uu kmɔ̌ neneɛ win kwa.

Ɛ moo ngmna keǒ nyopòà mɔ̀ ü jɛ lěe ně bo wnawna keǒ tà. Mɛ̌oǒ joo nɛ̀ moo Nyesoa mi u Ɔɔ jlǔ daeba.

Ɛ moo ngmna keǒ nyopòà mɔ̀ ü nii wɔle le. Mɛ̌oǒ joo nɛ̀ moo Nyesoa mi u wlò wlòmo ble tùba.

Ɛ moo ngmna keǒ nyopòà mɔ̀ ü kɔn tè u tèe mɔ̀ keǒ tà u nii Nyesoaa kɛn wɔɔn dɛɛ tè. Mɛ̌oǒ joo nɛ̀ moo Nyesoa Nɔ̀ kɔn uu kmɔ̌ neneɛ win kwa.

Ɛ moo ngmna keǒ nyopòà mɔ̀ ü kɔnʼɔ wɔle keǒ nyopò tùu mɔ̀. Mɛ̌oǒ joo nɛ̀ moo Nyesoa mi u wɔle je jboba.

Bo nyopò bǔ ke a sadoě tùi plě bǔ ke a tè mɔ̀ tè klee bǔ po a sen kɛne keǒ ba naǎ de ɛɛ tè mɔ̀, ɛ moo ngmna keǒ a mɔ̀. A kɔn snǒ sàe dɛ fòɛ ɛ̈ neěe jɔkɛn, ii tè aa plɔ bɛ blo a nu chǒn le. Ke kɔn do u nuaa Nyesoaa wnɔsàɔpo sònwɛ tùtuɛ plě ɛ̌ jɛ aa tǐà ɛɛ do nɛ̀ǒ.”

Ɛ moo ngmna keǒ nyopòà mɔ̀ ü moo tbotbǒ nyo. Mɛ̌oǒ joo nɛ̀ moo Nyesoa mi u noǎ Ɔ̈ peeě uu nyema.

È dɛ tɛ̀ɛ Jùsu boɛaa klě u mɔ̀ nɛ̀à Ɔ je, “Amoà a wǒ je tmɔ̌ keǒ kmɔ̌à mɔ̀. Kɛɛ bɛ̌ nu tmɔ̌ɔ tanǔ bɛ̌ mǎ, è mɛ miǐ kɛ ɛ tmɔ̌ mǒ numa de? Ɛ see kɛ̀ konkwa kɔn, ɛ̀ sìnʼǒ bɛ wlǎe bo klě plomǒ nyopò mi ɛ kɛn na.

Tèǒ nì kɔn tè keǒ aa Gbeǐǒ neěe jɔkɛn Ɔ nuu Ɔ̌ snǎ lěe mɔ̀le kpǎkpǎ kě ba nu ke.”

Kɛɛ nè uuǔn bɛ moo uuǔn, nè òooǒn bɛ moo òooǒn. È win tìi bǐ beǒ i dlǒ mǒ i sonwɛě mǒ kǔ mɔ̀.”

È dɛ tɛ̀ɛ Jùsu boɛa uu je de nɛ̀à Ɔ je, “A dǔa i wonwɔ̌n mǒ seela ɛ̈ moo, ‘Nyu bɔ̌ wa nè jleě, è bò wa ɔɔ jleě, nyu bɔ̌ sàà nyeě wan, è bò sà ɔ nyeě wan.’ (Ex 21.24, Lev 24.20, Deut 19.21) Kɛɛ Ě tmɛɛ̌ ane, aǎ ni dɛ kukǔu doǒ aǎ sɛ̀ dɛ kukǔu kpa, kɛɛ bo nyu bɔ̌ pooěè kpǎ dilǎ nyěkà mǒ, è bò teǒ gbàpe nyěkà bɔ pooě kpǎ ke.

Tèǒ nì kɔn tè bɛ̌ nu nè dilǎ jleě bɛ̌ keè ni bò ke dɛ kukǔ ni, sàě ɛ dìe jǐ mǒ mò ɛ kwa po. Ɛ mi tɛɛ numa bò mǎ jleěǒ ɛ̀ sìnʼǒ nè fǒ wùɛ Nyesoa Bɔ poǎ lě ɛ na slè. Bɛ̌ nu nè dilǎ kweta bɛ̌ keè ni bò keě kpni kukwǐ slè be, bɛ̌ ɛ je mì ɛ kwa po. Ɛ mi tɛɛ numa bò mǎ kwetaǒ ɛ̀ sìnʼǒ nè fǒ wùɛ bɛ beǎě na slè.”