Suosittuja jakeita Raamatun kirjasta Kub 9

Jaa

Ruhanga yagamba ati: “Kanu nuko kokurorraho ak'endagaano ei ndukuragaana na inywe na buli kyomeezi kyona eki munyina kyo, kandi kaliba k'abantu akasumi ak'omumaiso. Nata omu bicu omuhangaizima gwange, guraabaga kokurorraho ak'endagaano ei ndagaine na inywe.

Omuhangaizima obu gurazookaga omu bicu, ndaaguroraga nyijuke endagaano ey'ebiro n'ebiro ei naragaine n'ebyomeezi byona, ebinyakuli omunsi.”

Weena anyakuseesa esagama y'omuntu, n'eyeeriseeswa omuntu ondi; habwokuba Ruhanga akahanga omuntu omu kisisani kye.

Kandi Ruhanga yaha Noha n'abaana be omugisa naagamba ati: “Muzaale, mukanye, mwijuze ensi.

Ekintu kyona ekyomeezi kandi ekinyakugenda, murakiryaga; nkooku nabahaire ebimera kubirya, nukwo ndukubaha binu byona.

Enyamaiswa zoona ez'omunsi, ebinyonyi byona eby'omu mwanya, buli kintu kyona ekinyakwekururra ha itaka, n'encu zoona ez'omu nyanja, biraabatiinaga kandi biraabeekengaga; mubiremege.

Baitu inywe, muzaale mukanye, mwijuze ensi kandi mugireme.”