Suosittuja jakeita Raamatun kirjasta Yohani 4

Jaa

Nluku ri Nnepa, ni wanlamuliya wiira ale anonlapela, anlapeleke munnepani ni mwikhwelini.

Nanso unaawa ukati, yooyo ukati uyo phi yoola, ale mayolapa eekhweli, wanhalaya waalapela Apaapa, munnepani ni mwikhwelini, kontha Apaapa phinaavyaya yaala atthu ala wiira akhale owaalapela.

Nanso ule nohala uwurya maasi anhalaka unvaha mi, khaninonvola tho ntthona. Kontha maasi anhalaka unvaha mi, ankokhala mwirutthuni mwawe iluusi yo maasi ookhoola owuukumini woohimala.

Yesu ahaakhula eeraka: Waacuwenle ivahiya ya Nluku ni ule noolepela eeraka: Ukivahe maasi kiwurye, we waananlepela, ni uyo aanawuvaha maasi makumi.

Yesu aheerelaca coo: Iyolya aka mi uri upanka intthunaya ale akirumile n'uvara miteko caya.

Ale yahomwaakhula yiiraka: Muulupale, we khurina yoorikela maasi, ni iluusi ila yo wiisa; vano ari vayi maasi makumi ayo?

Yahaakhula athiyana ale yiiraka: Mi kinaacuwela wiira naahala uwa Mesiya neehaninya Kristu, ni awaaka nowonihimerya citthu cothene. Vano Yesu aheerela: Yooyo phi mi va, kinoowuulumanani va.

Nkaawani va, mwamoone nlopwana akihimyacile citthu cothene cimpankaka. Kaahiki khanakhala phi yooyo Kristu?