Suosittuja jakeita Raamatun kirjasta Yohani 14

Jaa

Kinawuhiyerani nnema; nnema naka kinawuvahani. Akinoovahani toko cinvahaya ittuninya. Nhicukulace wanrimani winyu ni nhoove.

Yesu ahomwaakhula eeraka: Mi ki iphiro, ni ikhweli, ni ukumi; khaawo nowa wa Apaapa woohivira wa mi.

Nhicukulace wanrimani winyu, munkupali Nluku, ciicammo nkikupali mi.

nanso Mpepeci, Nnepa Nttakattifu, unhalaya uveleeliha Apaapa mwa ncina naka, yooyo unaahala wusomihani citthu cothene ni unaahala uwuupuserani cothene cuhimenryakani.

Ule rina malamulo aka ni attharihelelaka, yooyo phinkifenta, ni ule nokifenta naahala ufentiya na Apaapa, ni mi ciicammo kinaanfenta ni wiithoonyihera mwa yooyo.

Ni mi kinkowavekela Apaapa, ni ayo anawuvahani Mpepeci nkina, nohala ukhala ni nyu ukati wothene, Nnepa Weekhweli. Ittuninya khinoorya waakhela, kontha khinoona, hata khicuwenle; nyu nnaacuwela, kontha unkhala ni nyu ni unkokhala mwa nyu.

Yothene inhalenyu ulepela mwa ncina naka, yeeyo kinaapanka, wiira Apaapa akhale oottittimihinya mwa Mwana. Mwalepelaka itthu mwa ncina naka, mi kinaahala upanka.

Mwakifentaka, nnaattharihelela malamulo aka.

Uwani wa Apaapa ahaawo mapuro menci ookhala. Wahaari commo, mi kaanaawuhimeryani. Kontha kinrwaa wutthenkemaniherani mapuro ookhala.

Karwaka wutthenkemaniherani mapuro, kinaturuwa ni kimmowukusani, wiira mapuro anhalaka ukhala mi, ni nyu ciicammo mwakhale.

Tomee ahomwiirela: Pwiya, khanincuwela unkelelenyu; ninkocuwela cani iphiro?