Suosittuja jakeita Raamatun kirjasta Miteko 1

Jaa

Nanso nnaahala waakhela ikuru wankelaya wuukhuruwelani nyu Nnepa Nttakattifu, ni nnohala ukhala asaahiti aka ukhuma uYerusalemu, mpaka uYuteya wothene n'uSamariya ni mpaka umalenlyaya ilapo.

Vaavale ahaakhula eeraka: Khuwaacileni ucuwelaca ukati atthuna mahuku Apaapa yeesilyaya ni ulamuli aya.

Vano aalyaanak'ono, ahaalamulela wiira: Nhikhumace uYerusalemu, nanso nwehererye nkhuluveliho wa Apaapa, toko wakiiwilenyu. Kontha, Yohani aapattisa ni maasi, nanso nyu nnohala upattisiya ni Nnepa Nttakattifu, woohittalivana ala mahuku ala.

Ukhwa wawe, ahonwelela ni aheethoonyihera wa amitthenka nari nkumi ni woonihera mithoonyero cinci coohivaanyihaninya. Ahaakhumelelaca mpaka mahuku arupayini (40) oolumacaka ihaali co'mwene wa Nluku.

Vano wuuluma wawe nnya citthu nnya, Yesu ahowelihiya uculu, ni ammwehacak'ono, nihutte nimoca nahaattiyelela wamiithoni waya.

Vano aweheehak'ono uculu, Yesu aanawela. Nananoru yahowaaca alopwana eeli anawaracile ikuwo cootteela, ni yaheerelaca: Alopwana akalileya, mweemelacenreni va mmwehacaka uculu? Yesu yooyo thamihiye wariyari winyu uyo, awelihiyaka wirimu, naahala uwa tho toko ciicammo cimoonnenyu arwaaka wirimu.