Suosittuja jakeita Raamatun kirjasta Mɔl 6

Jaa

Na ɔyɛle Ɛdɛnkɛma nyane kɛ yebɔ sonla yedo azɛlɛ ye azo a. Ɔyɛle ye nyane somaa

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Noko Nowa ɛdeɛ, Ɛdɛnkɛma hulole ye.

Nowa abusua ɛlɔnwɔne ne ɛne. Nowa le sonla mɔɔ di pɛlepɛle a, ɔ nwo annyia ngehanleɛ wɔ ye awolɛndoazo ne mekɛ zo. Ɔ nee Nyamenle bɛ avinli ande ɛlɛ. Ɔwole mrenya nsa, Hyɛm, Ham, yɛɛ Gyeefɛte.

na ɔhanle kɛ, “Mebɔ sonla mɔɔ mebɔ la abo zo bɔkɔɔ wɔ azɛlɛ ye azo. Mesɛkye debie biala mɔɔ mebɔ la, sonla, nane, ninyɛne mɔɔ twenle bɛ nwo aze la, yɛɛ nloma muala. Menlu me nwo bɔbɔ kɛ mebɔ bɛ a.”

Mekɛ mɔɔ akee menli bɔle ɔ bo kɛ bɛso dɔɔnwo wɔ azɛlɛ ye azo, na bɛwole mralɛ mraalɛ la, anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ. Na Ɛdɛnkɛma zele kɛ, “Menrɛmaa sonla ɛnrɛdɛnla aze dahuu, ɔluakɛ ɔle nwonane. Ɔvi ɛnɛ mɔɔ kɔ la sonla ɛnrɛli ɛvolɛ mɔɔ bo ɛya ko abulanwiɔ la.” Mekɛ zɔhane anu, yɛɛ nzinlii bɔbɔ, anwomanyunlu menli zɔhane nee mralɛ mraalɛ ne mɔ wole mralɛ. Na bɛmɛ bɛ mra a le menli kakanyinlima ne mɔ mɔɔ mɔmoane ne bɛliele duma la.

Nowa yɛle ɛhye mɔ na ɔyɛle debie biala mɔɔ Nyamenle zele ye la.

Na Nyamenle zele Nowa kɛ, “Mezi pi kɛ mesɛkye ewiade ye nee nuhua menli ne amuala, ɔluakɛ bɛva basabasayɛlɛ, sonla ɛhunlɛ, asayɛlɛ, yɛɛ amumuyɛ bɛyi ewiade ye tɛkɛɛ.

Yemɔti fa gɔfa baka bobɔ ɛlɛnemgbole; kyɛ nuhua ekpumgbunli ekpumgbunli na fa bilewu ka nuhua nee nwolɛ amuala.

Na Nyamenle nwunle kɛ amgba, ɛtane ngome ɛyi ewiade ye, ɔluakɛ ɛnee awie biala bɔ ɛbɛla ɛtane biala mɔɔ ɔdaye ɔkulo la.

Ɛbava nane biala nee debie biala mɔɔ twenle ɔ nwo aze la, nloma nee abɔdeɛ mɔɔ wɔ aleɛabo la amuala, ko biala nyinli nee belɛ, wɔahɔ ɛlɛne ne anu, amaa bɛanwu.