Suosittuja jakeita Raamatun kirjasta Génesis 3

Jaa

Tsaynö niptinmi tsay jachapa wayuynin munapaypaqta rikar alläpa munaparqan. Tsaymi allita o mana allita musyayta munar jachapa wayuyninta pallaskir mikuskirqan. Tsaypitam ollqunta makyaptin paypis mikuskirqan.

Dios Yaya llapan kamanqan wätakunapitapis mas sabïdum culebraqa karqan. Tsaymi warmi kaykanqanman witiykur nirqan: <<¿Rasunpaku Dios niyäshurqayki mayqan jachapa wayuynintapis mana mikuyänaykipaq?>>

Kananpitam warmiwan alläpa chikinakuyanki. Tsaynöllam warmipita yuriqpis qampita miraqkunata rikayta munanqatsu. Warmipita yuriqtam atakanchö kaninki. Paymi sïqa umaykita pakit jarunqa>>.

Evatanam nirqan: <<Tsaynö ruranqaykipitam alli ñakarnin qeshyaq kanki. Alläpa nanakurmi qeshyakunki. Ollquykitam podernikichö katsiyta munanki. Peru paypa mandädunchömi kawanki>>.

Kawanqaykiyaqqa mikunaykipaq alläpa sufrirninmi arunki. Allpapitam kamashqa kanki. Tsaymi wañurpis allpallaman kutinki>>.

Adántanam nirqan: <<Mana mikunaykipaq nikaptiqmi warmikita cäsurnin tsay jachapa wayuyninta mikurquyki. Tsaynö mikunqaykipitam chakrakunapis maldicionashqa kanqa. Tsay jutsaykipitam waran waran alläpa sufrir mikunaykipaq arunki.

Tsaymi Dios Yaya tapurqan: <<¿Pitan nishushkanki qalapätulla kaykanqaykita? ¿<Ama mikunkitsu> ninqaq jachapa wayuynintaku mikuskiruyki?>>

Runata tsaynö qarquskirnam rupay yarqamunan läduman querubinkunata Dios Yaya churarqan nina rupaykaq espädawan huertata täpayänanpaq. Tsaymi querubinkuna täpayarqan imayyaqpis kawatsikuq jachaman pipis mana yaykunanpaq.

Tsaypitanam warminpa shutinta Adán churarqan Evata. Tsay shutita churarqan payllapita llapan runakunapis mirayänanpaq kaptinmi.