Suosittuja jakeita Raamatun kirjasta Matiu 6

Jaa

Take kimiu giv gitaḡoro didinigi be giv tabe God gabe nomiu Ratahigi i be giv lol ginau vavtutu duluai gabe kea mwa doronia, i vi hogoi lalai kimiu ginau duluai kera geki mulei.

Take gisav binbinihi te dadaligi huri vaigogo, huri be vaigogo matanhalana mwa eno huba. Ginau gagarasi huri gubwen̄ gaituvwa si hav mom dari houana tehe.

“Bwatuna gea, nam bevea lalai kimiu be gisav binihi te dadaligi lol nomiu togoana, be gim binihia be, ‘nav gan hano garigi?’ sage ‘nav mwin hano garigi?’ sage ‘nav sagasagai hano?’ Giv iloe be rahumiu barabe vi rahu n̄an alun ginaganiana, take nu liu ninia. Sage rebehimiu si hav rahu te alun gaisaga, take nu liu ninia.

Take mahavana be gim dataro, giv haroro gahemiu lol vwavwan imwamiu ba dataro lol gatav goro lalai Tamamiu be tam hav gitae tehe. Haḡe Tamamiu gabe vi gita hano be gim lol dahulinia vi tavwe kimiu huria.

Bwatuna gea, giv tataro kungeki be: ‘Tata amare: ihamwa na sabuga: Nom ute na mai; Nom doron na dum ataa lol ureure kun ute atamare.

Lai garigi lalai kamai ginaganiana vi dadariha huri kamai.

Goi binihi kaburai vuromai, kun kamai gam binihi kaburai vurora hei be ram lolia lalai kamai.

Gosav lin̄ te kamai lol kalkaliana, Gov lai kamai nin bwatigoro.’

“Be kimiu gim binihi kaburai vuron irahei dodolua be ram buroga mai kimiu, Tamamiu lol ute atamare vi binihi kaburai vuromiu.

Giv taria alun manun mahava. Kera ram hav ririvu tehe, sage ram hav lai te ginaganiana vai la imwa. Itake Tamamiu lol ute atamare mwa lai ginaganiana lalainira. Matu gin hav tavuha tehe nin manu duluai?

“Gisav hogon te rosomiu ata lol ureure geki. Ute kunia kakurus vi gan dumwia i vi boboga dumwi, i atat surasura rav haroro surai dum alolon imwa i rav surai dumwia. Ta giv hogon rosomiu tavuha ba vi togo lol ute atamare aben God, lol ute gabe kakurus rasav gan te dumwia i si hav boboga tehe, i atat surasura rasav lol te bovorae, rasav sura te dum. Huri be lol ute haḡe gea be rosomwa mwa dogo aia, lolomwa vi togo aia mulei.

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Huri God n̄ano mwa saga ḡoro mwanea gabe ram du lol ute vono mwanea mwa mauri garigi i vaigogo mwa ḡoru mulei i mwa bohaiana lol gabi. Be God mwa saga ḡoro mwanea, vi lolia mulei kunia lalai kimiu. Nomiu binihimwasigi garagusi kolo maragai!

Take la mahavana be gim lai nomiu ginau lalai ira hiru, giv lol ron̄oe be limamiu mwairi si hav ilo te hano be limamiu mwatua mwa lolia. Lalaḡova kunia huri buluiana ginau dahuligi. Tamamiu gabe mwa ḡita buluiana be gim lol dahulinia vi tavwe kimiu huria.

“Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba. La mahavana be gim ḡaragara vwavwa, giv bwaga lolmatamiu i giv ari ilumiu, huri be atatu rasav iloe tehe be gim ḡaragara vwavwa ita Tamamiu tam hav gitae tehe vi iloe. I kunia Tamamiu gabe mwa ḡita hano be gim lol dahulinia vi tavwe kimiu huria.