Suosittuja jakeita Raamatun kirjasta Emiighom 6

Jaa

ịiḅaghami ni nyọdi ịpe eḍighi bọ kụ ọdi ạlhem bọ we aseere sịen aḅirini phọ, kụ ẹeḅaghami nyọdi iboom.

Mem dị Ọmoogh-we phọ ạmiin bọ ịdi ạsipioghom awe melheeny sịen ade phọ, ḅịle mọ ịitughian ạbidi eḍighi ịkaraph ịkaraph oomo amem

ANoa bịn kụ aseleman risigh Ọmoogh-we phọ.

Ọphon ọghaaph aNoa. Ọdi ạmar ịraar alephiri ạnmuny, ạSem, rꞌạHam rꞌaJafet. ANoa ọ́moogh esi ọḍagha ḅịle kẹn ọdi bịn kụ aḍighi ogey oye sịphe oghiil phọ ọdi. Ẹnaan rꞌaNoa uuḍikuan ni.

Kụ Ọmoogh-we phọ ạḅem mọ, “Mị kapiemi we phọ ạbuen mị ạlhem bọ, we rꞌịnam, rꞌoomo ịpe rekuura bọ sịen ade phọ, rꞌịnun okuaḍio phọ. Mị rạkunu ni mọ mị ạtuan eeghe kụ ạlhem bọ ọnyo ạbidi.”

Mem dị awe omiigh ọmaraghian omuzeḍi aḅirini phọ kụ ọmaraghiom nmạnyaan. Kụ buniin ạnmuny phọ Ẹnaan ọmiin ẹnighe ạnmanyaan awe ịsien aḅirini phọ kụ bịdi ọsighiogh nmạnyaan bụphe ọḅeeraan bọ bịdi ophinogh. Kụ Ọmoogh-we phọ ạḅem mọ, “Mị kạ́ngo mun ọgel awe ọrol kꞌagee-pọ, ịdi eḍighi bọ bịdi iphulupul. Emiigh nyịidipho kụ ẹghiom bịdi kọ́tol ghan mun opele oniin okuron rꞌịyaldi ạsia.” Riiḍio phọ ịpe phọ, kụ ọghiom kẹn ni ghisigh, ikakara awe ụrol li sịen ade phọ. Bụen phọ ẹemara ẹemara awe phọ ạnmanyaan awe ọmaraghinaan bọ nmụny phọ Ẹnaan. Bịdi kụ arephelegbe dị ooleghaan geediidi phọ.

Kụ aNoa ạtuugh oomo ịpe Ẹnaan ẹḅeni bọ nyọdi aḍighi.

Kụ Ẹnaan ẹḅeni Noa mọ, “Mị magbiighi amuneni, mị kapiemi oomo awe phọ odi bọ sịen aḅirini phọ. Ọwa sighiton rꞌạraagham bịn kụ memuza sịen aḅirini phọ. Mị kapiemi bịdi rꞌaḅirini phọ.

Sịghe ogeny oreeny ạkaam oghuugh ạna, adoghoḍi iisoph kụ ạza ạgalaga azuom kụ agbul mạyagh oreeny ologhi phọ rꞌọman phọ.

Ẹnaan ekiton ephogh kụ ẹmiin mọ aḅirini phọ mạphu. Oomo areten awe sịen aḅirini phọ mẹphu.

Sịghe ạloghom ologhi sịphe oghuugh phọ ẹya rꞌelephiri ạtorobo ọdo ẹnam rꞌẹnun, ọbo bịdi ọtol eye.