Suosittuja jakeita Raamatun kirjasta Mathiơ 7

Jaa

Yòng bĕ, rơŭ hũ; duah bĕ, rơŭ tòm; teh bĕ, bơh 'băng rơŭ pơh tơ buơl guhã.

Kơyoa yah aràng sơi yòng nư̆n hũ; aràng sơi duah nư̆n tòm; sơ̆ng aràng sơi teh bơh 'băng nư̆n hũ pơh.

“Yơu nư̆n, aràng sơi păng sơ̆ng ngă tui du pơnuaĭ Kơu đờm ni, nư̆n mơhiơ̆ yơu sa aràng mơnih jak-khờh, bơ̆ sàng drơi tơ ngŏ pơtơu prŏng.

Yơu nư̆n, abih tơgrơ̆ pơnuaĭ hơgĕ buơl guhã khiăng aràng ngă tơ drơi, nư̆n kŭng ngă bĕ pơnuaĭ nư̆n tơ buơl guñu, kơyoa nư̆n la pơnuaĭ adăt-adia sơ̆ng pơnuaĭ gơnuăr-hwơ̆r.”

Bloh bơh 'băng tìt sơ̆ng jơlàn gơniă ba truh pơnuaĭ hơdiŭ, mơnih duah hũ nư̆n tơkì.”

“Tơma bĕ bơh 'băng tìt, kơyoa bơh 'băng lơnàng sơ̆ng jơlàn prŏng nư̆n ba truh pơnuaĭ pơluĭ-pơlơhiă; hũ lô mơnih nau tơma lăm jơlàn nư̆n.

Yơu nư̆n, yah buơl guhã la mơnih jơhà bloh dò thơu brơi tơ anà drơi du phơ̆n siàm, tơ-ài la Ama buơl guhã dò tơ ngŏ lơngì bloh 'buh brơi du phơ̆n siàm tơ du mơnih yòng sơ̆ng Pô ơu?

“Juơi c̆ahrơña aràng sơi, tô buơl guhã 'buh kơđòng c̆ahrơña. Kơyoa buơl guhã c̆ahrơña aràng hơyơu lơi, nư̆n buơl guñu kŭng c̆ahrơña buơl guhã yơu nư̆n rơi. Buơl guhã wăl tơ aràng kàr lơi, nư̆n buơl guñu kŭng rơŭ wăl wơ̆ tơ buơl guhã kàr nư̆n rơi.

Aràng sơi păng pơnuaĭ Kơu đờm ni bloh 'buh ngă tui, nư̆n mơhiơ̆ yơu mơnih bơrngư̆l-gơla, bơ̆ sàng drơi tơ ngŏ lơ̆n c̆uah.

Hơyơu hã c̆ơ 'buh thŭl lăm mơta adơi-ai drơi, bloh 'bu 'buh kơyơu gih lăm mơta drơi? Hơyơu hã khĭn đờm sơ̆ng adơi-ai hã lài: ‘Luơi dơlhă mă thŭl tơbiă mư̆ng mơta sơ-ai,’ lăm tŭ kơyơu gih sơđaŭ dò lăm mơta drơi?

“Păl c̆ơ-kơrhia bĕ mư̆ng du mơnih gơnuăr-hwơ̆r lơ̆r. Buơl guñu truh sơ̆ng buơl guhã c̆ơ gah agàh lơnguh-lơngui siàm yơu abo, bloh gah dơrlăm, buơl guñu la asơu sĭng mơsak-jơhà jiăng kĕ-hĕt. Buơl guhã rơŭ kràn-thơu buơl guñu jiơ̆ng kơyoa mư̆ng bruă ngă pơnuaĭ đờm buơl guñu, 'buh krơi yơu c̆ơ boh nư̆n thơu kơyơu. 'Buh aràng sơi pĕ boh ño lăm anih puk druơi, halài pĕ boh hra lăm anih puk druơi kòng-lai.

Yơu nư̆n, yah kơyơu siàm nư̆n tơbiă boh siàm, kơyơu jơhà nư̆n tơbiă boh jơhà.

Kơyơu siàm 'buh rơgơi tơbiă boh jơhà, kŭng yơu kơyơu jơhà 'buh rơgơi tơbiă boh siàm.

Yah kơyơu lơi 'buh tơbiă boh siàm nư̆n păl kŏng dròm sơ̆ng prah lăm apui.