Suosittuja jakeita Raamatun kirjasta KENESE 28

Jaa

Masaua me ia a au e fakatasi atu faeloa o puipui koe i so se koga e fano koe ki ei, kae ka toe fakafoki mai ne au a koe ki te fenua tenei. E se tiakina muamua ne au a koe ke taunu mua a mea katoa kola ne tauto atu ei au ke fai ne au.”

Ka ko te Aliki e tu i ona tafa. Muna a te Aliki, “Au ko te Aliki, te Atua o Apelaamo mo Isaako,” ana pati. “Ka tuku atu ne au mo koe mo tou gafa a te laukele tenei e moe koe i ei.

Ne ala ake Iakopo kae fai ake pela, “A te Aliki e i konei! E nofo fua i te koga nei kae seiloa ne au!”

Tena ne fai ei te tautoga a Iakopo ki te Aliki i kona penei, “Kafai e fakatasi mai koe o puipui au i taku malaga tenei, kae tuku mai foki a meakai mo gatu, kae kafai foki e oko au ki toku tamana mo te saogalemu, ka fai ei koe mo oku Atua. A te fatu fakamanatu tenei ne fakatu aka ne au ka fai mo koga e tapuaki atu ei a tino ki a koe, kae ka tuku atu ne au te tasi vae sefulu mai mea katoa kola e aumai ne koe.”

A tou gafa ka tokouke e pela mo one i te lalolagi. Ka fakalasi ne latou te olotou fenua i ona feitu katoa, kae ka fakamanuia ne au a malo katoa e auala i a koe mo tou gafa.

Ne fakaigoa ne ia te koga tena ko Peteli. A te fa'kai i kona muamua e igoa ko Lusa.