Suosittuja jakeita Raamatun kirjasta Ginghuman 2

Jaa

Nagsabat si Pedro, “Hinuysuyi nindo ang indo mga salà kag magpabawtismo sa pangayan ni Hesu-Kristo, agud patawaron ang indo mga salà kag mabaton nindo ang regalo ng Dios nga imaw ang Espiritu Santo.

Mahugod sinda magtuon sa mga ginatudlò ng mga apostoles, magtipon-tipon bilang mag-utod, magbuak-buak ning tinapay kag magpangamuyò.

Gingpunò sinda tanan ng Espiritu Santo kag nagpanghambay sinda sa iba-iba nga mga linggwahe nga wayà ninda nasayuri nga gingtao sa inda ng Espiritu.

Kag gulpi na lang may nabatian nga tunog halin sa langit nga pareho sa huni ng makusog nga hangin kag ang tanan nga yadto sa suyod ng bayay nakabatì. Pagkatapos may nakità sinda nga daw dilà ng kalayo kag ini hay nagtugpà sa kada isa sa inda. Gingpunò sinda tanan ng Espiritu Santo kag nagpanghambay sinda sa iba-iba nga mga linggwahe nga wayà ninda nasayuri nga gingtao sa inda ng Espiritu.

Adlaw-adlaw nagatipon sinda sa templo kag nagabuak-buak ning tinapay sa inda mga bayay. Nagadungan da sinda sa pagkaon nga may kalipay kag may mapainubuson nga tagipusuon kag nagadayaw sinda sa Dios. Ang tanan nga tawo hay may maayo nga kabubut-on sa inda. Kag adlaw-adlaw ginadugang ng Ginoo sa inda ang mga tawo nga iya ginaluwas.

‘Naghambay ang Dios, “Ini ang akon humanon sa ulihi nga mga adlaw: Itatao ko ang akon Espiritu sa tanan nga tawo. Ang indo mga ungà nga lyaki kag babayi hay magapropesiya, ang indo mga soltero hay makakakità ning mga panan-awon, kag ang indo mga maguyang nga lyaki hay magapananamgo.

Kaayo ang inda pagsinundanan kag ang inda mga pagkabutang hay para sa tanan. Gingpamaligyà ninda ang inda mga pagkabutang kag propidad kag gingparte-parte ang kwarta sa tanan sunò sa inda mga kahinangyanon.

Kag ang aber sin-o nga magatawag sa pangayan ng Ginoo hay maluluwas.” ’ ”

Ang adlaw hay magaduyom kag magapuya ang bulan pareho ng dugò. Ini hay matatabò bago mag-abot ang makatitingaya gid nga adlaw ng Ginoo.