Suosittuja jakeita Raamatun kirjasta Lu̍kū 14

Jaa

“Wānā o̍ wāna̍ hɛ̍na̍ŋ mbō hīŋ nāa̍ ya̍ chu̍a̍ le̍ wāa̍ bu̍ɛ̍ī nī pɛ̍, mɛ̄ɛ̍ mbō kāāla̍ ya̍ mbō hīōū mɛ̄ɛ̍ o̍ ka̍a̍la̍ fi̍nyā ndɔ̍ a̍ kāla̍ ndɔ̄ yɛ̍, mbō hīōū mɛ̄ɛ̍ o̍ ka̍a̍la̍ la̍a̍ ndɔ̄ a̍ chūāūwāā ndūa̍a̍ yɛ̄, mbō hīōū mɛ̄ɛ̍ o̍ ka̍a̍la̍ pɔ̄mbūāā ndūa̍a̍, kɛ̄lɛ̄ŋgāā bɛ̄ndāā ndūa̍a̍ a̍ yēmāa̍ ndūa̍a̍ yɛ̍. Ndu̍yɛ̍, mɛ̄ɛ̍ mbō kāāla̍ ya̍, mbō hīōū bɛ̍ɛ̍ mɛ̄ɛ̍ o̍ ka̍a̍la̍ yōōmū ndɔ̍ ndu̍ pi̍la̍a̍ yɛ̍. Tē ō kāāla̍ ya̍ le̍nde̍ le̍, ō ve᷅ bu̍ɛ̍ī nī le̍.

Wānā o̍ wāna̍ hɛ̍na̍ŋ le̍ ya̍ tōlɔ̄ɔ̍ kɔ̄ɔ̄lī pɛ̍, kɛ̍ mbō ve̍ o̍ chɛ̄lāā lɔ̍ɔ̍ o̍ lɔ̍ɔ̍ le̍ mbō bīī mɔ̍nɛ̍i̍ ndu̍yɛ̍, mbō wa̍ bɛ̍ɛ̍ ō bɛ̄ɛ̄ndīa̍ŋ le̍ mbō vī le̍, wānā wa̍ā le̍nde̍ ō ve᷅ bu̍ɛ̍ī nī le̍.”

Kāni̍ fo̍ndōle̍, wānā o̍ wāna̍ he̍e̍lu̍ ndu̍ pi̍la̍ pɛ̍, Mɛ̄lɛ̄ka̍ tūsi̍ ndu̍ tōōlō. Ndu̍yɛ̍, wāna̍ tu̍si̍ ndu̍ pi̍la̍ to̍o̍lō pɛ̍, Mɛ̄lɛ̄ka̍ hēēlu̍ ndu̍.”

Le̍nde̍ ko̍ni̍ i̍ cho̍ ni̍, wāna̍ fe̍ŋa̍ kɔ᷅llo̍ o̍ nyɛ̄ o̍ nyɛ̄ fe̍e̍ o̍ nɔ̍ wo̍ le̍, ō nɔ̍lā mbō wa̍ bu̍ɛ̍ī ni̍ le̍.”

Mi̍ Chi̍i̍sū hi̍a̍ū lāchī a̍ sūɛ̍i̍. Mbo̍ nyūnā āā, “Nya̍ ki̍nɛ̍i̍, tē wānā wa̍ yɛ̄ nya̍ tɛ̄ɛ̄ŋ mbō hɛ̄na̍ŋ le̍ chīɛ̄ī bɛ̄ndōo̍ tāŋgūllo̍, wānā ko̍ŋ ō che᷅l fɛ̍lɛ̍ŋ mbō tūu̍ mɛ̄ɛ̍ kpɛ̍ nyɛ̄ sɔ̄lāa̍ wā mbō wa̍ tūu̍le̍ŋ le̍ tāŋgūl kālāa̍ chīīyo̍ yɛ̍ le̍? Ō tūū fɛ̍lɛ̍ŋ ko̍ ō nɔ̄ nyɛ̄ sɔ̄lāa̍ tūu̍le̍ŋ. Tē ō tōsa̍ le̍nde̍ fɛ̍lɛ̍ŋ te̍, kɛ̄lɛ̄ŋgāā chīīye̍ lēbɛ̄ŋgu̍ ko̍ni̍ o̍ chi̍ī tāŋgūl ni̍ mī nyɛ̄ sɔ̄lāa̍ chūū, o̍ ko̍ŋ, mbō būmba̍ ndu̍ chīī tāŋgūl. Ndu̍yɛ̍, wānā o̍ wāna̍ che᷅ yɛ̄ tāŋgūl o̍ ka̍ndu̍ ko̍ŋ ndo̍ pɛ̍, ō ma᷄m ndu̍. Mā dīmi̍ āā, ‘Pōo̍ ho̍ō kāndu̍ tāŋgūllo̍, kɛ̍ ō nɔ̄la̍ ndu̍ chīī le̍.’ ”

Le̍la̍ŋ, tē a̍ to̍o̍si̍a̍a̍ nyɛ̄ dīāā wāā le̍nde̍ pɛ̍, ve̍e̍lu̍ wa̍nāa̍ cho̍ ā tāmbɛ̍i̍ ya̍, a̍ nāmtāa̍, a̍ wānāā bɛ̄vɛ̍i̍ya̍, a̍ wānāā sūmɛ̍i̍ya̍. Tē a̍ to̍sa̍ le̍nde̍ pɛ̍, Mɛ̄lɛ̄ka̍ tōsā mā wa̍ a̍ kɔ̄l kɛ̄ndɛ̄, kāni̍ fo̍ndōle̍, nda̍ nda̍ nɔ̍lā mā mīŋgu̍l nu̍m te̍. O̍ ko̍ŋ kɔ̍ɔ̍lī, bōōndi̍i̍ wānāā sa̍kpūa̍a̍ ā chō mīīŋgū yōōmū ve̍, Mɛ̄lɛ̄ka̍ chō nu̍m pāāwā.”

“Hɛ᷄lle̍ ī yēēla̍, kɛ̍ tē yēēlāa̍ fūla̍ŋ pɛ̍ o̍ hɛ᷄lle̍ ni᷄ŋ, wānā nɔ̍lā lɛ̍ ndi̍ mīŋgī yēēla̍ le̍. Tē yēēlāa̍ fūla̍ŋ pɛ̍, ī ni᷅ŋ ndɛ̍ le̍ nyɛ̄ o̍ nyɛ̄ le̍. Wānā dɔ̍u̍ bɛ̍ɛ̍ ndi̍ lɛ̄ŋ ī nɛ̍ŋī yɛ̍ tɔ̄lɔ̄ɔ̍, mɛ̄ɛ̍ kōo̍ma̍ nda̍ dūāū o̍ tɔ̄lɔ̄ɔ̍ wa̍ŋ mā nɛ̄ŋī tɔ̍lɔ̄ɔ̍ yɛ̍ le̍. Vīōūwɔ̄ɔ̍ ko̍ni̍ nda̍ vīāū ndi̍ ni̍. Le̍la̍ŋ, wānā o̍ wāna̍ nɔ̍ nīla̍ tūɛ̄īyāā īsɔ̄ɔ̍ pɛ̍, lā ya᷄ŋ ni᷅la̍ŋ mī lā tūēī mī lā sīna̍ pɛ̄ŋgu̍.”