Suosittuja jakeita Raamatun kirjasta Amas 17

Jaa

Aburaamu bwe yali aweza emyaka kyenda mu mwenda, Omukama n'amulabikira n'amugamba nti: “Nze Katonda Omuyinza wa buli kantu. Beera nange, era mu maaso gange tobaako musango.

Tokyaddayo kuyitibwa Aburaamu, wabula ojja kuyitibwanga Yiburayimu, kubanga nkufudde kitaawe w'amawanga amangi.

Nzija kukola endagaano yange naawe n'ezzadde lyo eririkuddirira amazadde gammwe gonna, ng'endagaano ey'olubeerera, mbeere Katonda wo ne Katonda w'ezzadde lyo eririkuddirira.

Katonda n'amugamba nti: “Ye eno endagaano yange naawe: Olibeera kitaabwe w'amawanga mangi.

Katonda n'agamba nti: “Ky'ekyo, naye Saara mukazi wo ajja kukuzaalira omwana ow'obulenzi, olimuyita erinnya lye Yizaake. Nzija kunyweza endagaano yange naye, nga ye ndagaano ey'olubeerera n'ezzadde lye eririmuddirira.

Ggwe n'ezzadde eririkuddirira ndibawa ensi mw'okungulidde, ensi yonna ey'e Kanaani ebeere yammwe emirembe gyonna; nze ndibeera Katonda waabwe.”

Yiburayimu n'agwa wansi ku maaso ge, n'aseka muli munda nga yeebuuza nti: “Ow'emyaka ekikumi afune omwana ow'obulenzi? Ne Saara, ow'emyaka ekyenda alizaala?”

Katonda n'agamba Yiburayimu nti: “Sarayi, mukazi wo, tokyamuyitanga Sarayi, wabula erinnya lye anaayitibwanga Saara.

Mulitayiriranga emibiri gyammwe, ke kaliba akabonero k'endagaano wakati wange nammwe.

Yo endagaano yange nzija kuginyweza ne Yizaake Saara gw'alizaala mu mwaka ogujja mu bbanga nga lino.”

Buli mwana wammwe omulenzi awezezza ennaku omunaana wa kutayirirwa; buli musajja yenna amazadde gammwe gonna, abeere wa waka, oba wamugula ku mugwira yenna, kwe kugamba atali wa mu zadde lyo. Owa waka ne gw'oguze bateekwanga okutayirirwa. Endagaano yange eno nga neeyamba emibiri gyammwe ndagaano ya lubeerera.