Suosittuja jakeita Raamatun kirjasta Māteo 2

Jaa

He uru ia ananake ki roto i te hare, he takeꞌa i te poki ararua ko tōꞌona matuꞌa vahine ko ⌊Māria⌋, ꞌe he tū-turi he haꞌamuri ki rā poki. He mātaki i te rāua ꞌavahata he vaꞌai i te piru, i te meꞌe mo tutu mo haka ꞌeo o te hare, ꞌe i te manoꞌi aŋa hai tāpau o te tumu te ꞌīŋoa he mirra .

A Ietū i poreko ai ꞌi Vērene, he kona e tahi o Hūrea, ꞌi te noho iŋa ko ⌊ꞌErore⌋ te ꞌariki o rā kona. ꞌI rā ŋā mahana i tuꞌu ai ki Hērutarema, mai te pāꞌiŋa eꞌa o te raꞌā, te nuꞌu maꞌori hāpī i te hetuꞌu. He ꞌui: «¿ꞌI hē rō te ꞌariki poreko nei o te ⌊hūrio⌋? Ko takeꞌa ꞌana e mātou te eꞌa iŋa o tōꞌona hetuꞌu. I oho mai nei a mātou mo haꞌamuri ki a ia».

I uꞌi era ko noho ꞌana te hetuꞌu, he toꞌo rō atu ꞌai te koa o rā nuꞌu.

I oti era he hoki ananake ki te rāua henua a te ara kē ꞌo te ai ko haka ꞌite ꞌā e te ꞌAtua, ꞌi roto i te moe vārua, mo taꞌe hipa ki a ꞌErore. I oho era tū nuꞌu maꞌori hāpī hetuꞌu era, he oꞌo e tahi merahi o te ꞌAtua ꞌi roto i te moe vārua o ⌊Kōsē⌋ ꞌe he kī: «Ka ꞌara koe. Ka toꞌo te poki ararua ko tōꞌona matuꞌa vahine, ꞌai ka eꞌa ka tē-tere ki Ehipto. ꞌI ira kōrua ana noho ꞌātā ki tōꞌoku hāꞌaki iŋa haka ꞌou atu. Nā, paꞌi, a ꞌErore he kimi i te poki mo tiŋaꞌi mo mate».