Suosittuja jakeita Raamatun kirjasta Čơdơ̆ng Phŭn 15

Jaa

Abram đaŏ kơ Yêhôwa, yua kơ anŭn Ơi Adai yap ñu jing mơnuih tơpă hơnơ̆ng.

Tơdơi kơ tơlơi anŭn, amăng tơlơi pơƀuh Abram hmư̆ hiăp Yêhôwa laĭ kơ ñu: “Ơ Abram, anăm hwĭ ôh! Kâo jing khiơl pơgang ih, gơnam bơni kơ ih jing prŏng biă mă.”

Khua Yang ba ñu tơbiă gah rơngiao laih anŭn laĭ: “Angak lăng đĭ bĕ pơ adai adih laih anŭn tơdah dưi yap khul pơtŭ amăng adai, brơi ih yap bĕ.” Giơ̆ng anŭn Khua Yang laĭ hăng ñu dơ̆ng: “Kơnŭng djuai ih ăt či kar hăng anŭn mơ̆n.”

Yêhôwa laĭ kơ Abram: “Pô anŭn ƀu jing pô či tŭ mă kong ngăn ih ôh, samơ̆ pô tơkeng mơ̆ng kian pruăi ih pô yơh či jing pô tŭ mă kong ngăn ih.”

Yêhôwa laĭ kơ Abram: “Brơi ih thâo klă rơđah bĕ kơnŭng djuai ih či dŏ amăng lŏn čar ƀing tuai, gơñu či jing hlŭn kơ ƀing mơnuih amăng čar anŭn, laih anŭn arăng či kơtư̆ juă gơñu amăng pă rơtuh thŭn.

Samơ̆ Abram laĭ glaĭ: “Ơ Khua Yang Yêhôwa, hơgĕt tơlơi Ih či pha kơ kâo? Kâo ăt aka hmâo ană bă ôh, laih anŭn pô či mă tŭ dram gơnam kâo anŭn jing Êliêser, mơnuih Damas.”

Amăng hrơi anŭn, Yêhôwa pơjing kơnol pơgop hăng Abram: “Kâo či brơi kơ kơnŭng djuai ih lŏn čar anai, mơ̆ng ia krong Êjip hlŏng truh pơ ia krong prŏng adih, jing ia krong Ơphrat

Truh kơ rơnŭk tal pă, kơnŭng djuai ih či wơ̆t glaĭ pơ anai, yua kơ tơlơi soh sat kơ ƀing Amôrit aka truh krip yip đơi ôh.”