Suosittuja jakeita Raamatun kirjasta THAUREYMEI 6

Jaa

kamei rui kaniw ta damclouna kandih khou tilungcloumei khang hei kalung kabiu the. Kamei kalung bakna

Kandih khou lungc bammei maansei katana hei adihkamv si cho khatni adih simei lungning kakhanhna bam tu cho twmei RINGHPOUC rui how pwkhou

Tiki Nouha ta thu RINGHPOUC rui kalung kwnlou e.

Mi hei Nouha tuang pary e, Nouha hei ravchap tatmeipu khatni kakin khou kakhuay maekmei kiu karana khwan e. Kamei Ravguangc lev tat nchamcna lungc khwan e.

kumna sa the, “Ai rui damcloumei maansei ti hei khouringh khounah, nruay thauruay guay ta kazauhna ai rui swmaan dat puni the, kalam thu ai rui kaniw ta damcloumei khang hei ai neihla mak khe.”

Maansei kandih nam ruc khou zinlik patna aluh nunc lungc pat geic pwkhou, Ravnac nunc rui mi aluh nunc lwnchav gaymei tei how lana, kaniw rui kahaw hawmei ta kaw laa the. Khoutei RINGHPOUC rui sa the, “Ai rui tiiloumei bumaengc hei maansei khou tingsaengna tibam lak khe; maansei hei theic kan nimei tuang di the. Ntaw khou rui thauna kaniw tingkwm 120 ringc twan lak khe.” Mi douc tei khatni katangv thangc nganvna maansei lev ravnac nunc kariumei nac liangtuangh nunc kandih khou chapat geic khwan e. Kaniw tei reynungc lungcloumei liangtuangh daihmei nunc khatni kazanc dinhmei nunc tei the.

Ravguangc rui samei kaguayna tei Nouha rui taanc the.

Ravguangc rui Nouha khou sa the, “Maansei kaguayna ta swmaan ni the twna alung ding the. Kalam thu kandih hei kaniw tuang meicngam meicliammei taanv rui padik the, kaniw zaeng rui mi kandic ta lev kaniw kaguayna ta swmutsutlou puni the.

Nang khang saipres thing rui hidai akhat kasiamh tho. Mi khou tei kailangv kailangv daengclangclou o kumna hei tei kalungc kapaengc khi rui kowliam kaluaklou o

Ravguangc rui kandih ta zauc pwkhou mphuam ngam the kalam thu meic nunc tei simei panty khou lungc bam khwan e.

Hih lungc khou tei khouringh khounah kazaat kathuic tuang kanei kanei laa gutlou o, hei tei rui kaniw theih makna nangniw daeng khou bam khang e. Kaniw tei kakui khatni kaduic nina e.