Suosittuja jakeita Raamatun kirjasta Mt 24

Jaa

ani kaido-modd’ni vaddta tea mapan zaiteancho môg xellmoddo zatolo. Xevottak porian thir ravtit tankam Dev taronn ditolo.

Ani heam soglleam porzank ek sakxi mhonn hea Rajeachi hi bori khobor akhea sonvsarant porgott zateli. Ani tea uprant xevôtt ietolo.

Tumi zhuzancho avaz ani loddaianchi khobor aikotelet. Uchamboll zaina zaunk chotrai dhorat; tôr hem sogllem ghoddon ieunk zaik; punn xevôtt rokddoch ieuncho na.

Kiteak raxttr raxttracher ani raj rajeacher uprastelim. Hanga-thõi bhuk poddteli ani bhikamp zateli. Punn hem sogllem fokot porsuttvenninchi survat.

Ontrall ani prithum’ sortelim, punn Mhojim utram kednanch sorchim nant.

kiteak sobar zann Mhojem nanv gheun ani apunn Krist mhonnun ietele, ani zaiteank fottoitele.

Tedna piddapidd diunk tumkam dhorun ditelim ani tumkam jivexim martelim ani Mhojea nanva pasot sogllim raxttram tumkam zolltelim. Tedna sobar zannancho bhavart haltolo; mon’xam ekamekak lavun ditelim ani ekamekak zolltelim. Sobar khotte provadi uprastele ani zaiteank fottoitele

Ani portipallun Jezun tankam sanglem: “Tumkam konnem fottoinam zaunk chotraien ravat

Mhonntôch tumi-i toiar ravat, kiteak tumi chintinant tê ghoddier Mon’xacho Put ietolo.

Mhonntôch, tumcho Somi khõichea disa ietolo tem tumi nokllot dekhun zagrut ravat.

Punn ekleach Bapak kaddun, anink konnakuch, sorgincheam dutank vô Putak legun, tea disachi ani tê ghoddiechi khobor na.

kiteak lottik Krist ani lottik provadi upzotele ani zata zalear, vinchun kaddleleank porian fosounk, vhoddleô khunna ani ochoriam korun dakhoitele.

Noacheam disamnim zoxem zalem, toxench Mon’xacho Put ieta tedna zatelem. Buddtê adleam disamnim Noa pett-tarvant bhitôr sorlo to dis meren lôk khata-pietalo, logn zaun ani logn korun diun aslo, ani poriallo ieun tancho soglleancho nas zait porian, tankam kãi ek koll’lem na; toxench Mon’xacho Put ietolo tedna zatelem.