Suosittuja jakeita Raamatun kirjasta ÏOANNIS 1

Jaa

Katto katne pat, ki la pdiang ïa u bad ki la ngeit ha u; kumta u la ai bor ha ki, ban long ki khun U Blei.

Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

Ka jingshai ka shai ha kaba dum, bad ka jingdum kam lah ban pynlip ïa ka.

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u. U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

U Ktien u la don ha ka pyrthei, bad wat la U Blei u la thaw ïa ka pyrthei da u, pynban, ka pyrthei kam shym la ithuh ïa u. U la wan sha la ka jong ka ri, hynrei ki briew jong u hi kim shym la pdiang ïa u.

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.