Suosittuja jakeita Raamatun kirjasta 約翰 15

Jaa

「𠊎係葡萄樹；你等係樹枝。生在𠊎底背，𠊎也生在佢底背个人，正會結果子多多；因為離開𠊎，你等就無法度做麼介。

你等愛一直生在𠊎底背 ，𠊎就生在你等底背。若係無㧯𠊎結連，你等就毋會結果子，像樹枝無㧯葡萄樹接等就毋會結果子一樣。

假使你等一直生在𠊎底背，𠊎个話也時常記在你等个心中，你等無論想愛麼介，求，就會得到。

毋係你等選𠊎，係𠊎選你等。𠊎設立你等，係愛你等出去結永存个果子。恁樣，你等奉𠊎个名，無論對阿爸求麼介，佢一定會賜給你等。

為到朋友犧牲自家个生命，人間个愛惜無比這較偉大个。

所有屬𠊎又無結果子个樹枝，佢就剪掉；總係結果子个樹枝，佢就修剪到清淨，使它結果子還較多。

這係𠊎个命令：你等愛彼此相惜，像𠊎惜你等一樣。

你等結果子多多，又繼續做 𠊎个學生，吾爸就會因為恁樣得到榮光。

「𠊎係真个葡萄樹；吾爸係栽種个人。

無生在𠊎底背个人，佢會像樹枝被人㧒掉一樣，然後燥掉，被人㧒落火底背燒掉。

「𠊎㧯你等講這兜話，係愛使你等得到𠊎个快樂，使你等个快樂淰出來。

你等若係遵守𠊎个命令，就會生在𠊎个痛惜中，像𠊎遵守吾爸个命令，就生在佢个痛惜中一樣。

𠊎命令你等个這兜話，係愛你等彼此相惜。

假使你等屬這世界，世間人一定會惜你等，像惜佢等自家个人。總係𠊎將你等對這世間選出來，你等就毋係屬世界；所以世間人怨恨你等。