Suosittuja jakeita Raamatun kirjasta LINJIILA MATTA 5

Jaa

Hay gooto huɓɓintaa lampu, hippa mo e miran, kono o waɗay mo e kene, o ndayginana kala wonɗo ka nder suudu. Yo ndaygu mon ngun jalbir nii yeeso yimɓe ɓen, fii no ɓe yi'ira kuuɗe mon moƴƴe ɗen, ɓe mawnina Ben mon Wonɗo ka kammu on.»

«Ko onon woni ndaygu aduna on. Si saare wonii e hoore fello, haray nde waawetaake suuɗeede.

Laaɓa-ɓerndeeɓe ɓen ko malaaɓe, ɓay ɓe yi'oyay Alla.

Weelaaɓe ɗonɗaa peewal ɓen ko malaaɓe, ɓay ɓe harnoyte.

Kono min mi wi'ay on: yiɗee ayɓe mon ɓen, toranoɗon wonɓe cukkaade on ɓen

«Yondiniiɓe ka ɓernde ɓen ko malaaɓe, ɓay laamu kammu ngun ko kamɓe wonani.

Ɓuttinooɓe ɓen ko malaaɓe, ɓay ɓe noddiroyte ɓiɓɓe Alla.

Yoomuɓe ɓen ko malaaɓe, ɓay ɓerɗe maɓɓe ɓuttinoyte.

Cukketeeɓe sabu peewal ngal ko malaaɓe, ɓay laamu kammu ngun ko kamɓe wonani.

Yurmeteeɓe ɓen ko malaaɓe, ɓay ɓe yurminoyte.

«On wonay malaaɓe nde ɓe yenni on e nde ɓe cukkii on e nde ɓe fawi penaale e kala bone e hoore mon sabu an. Weltee, wonon e nder welo-welo, ɓay hiɗon maranaa njoddi mawndi ka kammu, ko fii ko nii ɓe cukkornoo annabaaɓe adinooɓe on ɓen.

Newiiɓe ɓen ko malaaɓe, ɓay ɓe ronoyay leydi ndin.

«Ko onon woni lanɗan aduna on. Kono si dakamme majjan on iwii, haray ko honno dakamme majjan on wattirtee? Haray ɗan alaa nafa fus si hinaa bugegol ka yaasi, ɗan yaaɓee.

Awa wonee timmuɓe wano Ben mon kammuyankeejo on woniri Timmuɗo non.»

Yo ‹hiiyii› mon on wonu ‹hiiyii›, ‹oo'o› mon on wona ‹oo'o.› Ko ɓeyditaa e ɗun woo, haray ko e Ibuliisa iwri.

«On nanii kadi wi'aama wonde: ‹ko yiitere yoɓirtee yiitere, ɲiire yoɓiree ɲiire.› Kono min mi wi'ay on, wota mo dartoo bonɗo, awa kadi mo bantike ma e waɓɓugo ɲaamo, tuɗan mo ngoya kadi.

Si tawii yiitere maa ɲaamere nden wonay sabu haa feggoɗaa, haray awu nde, bugoɗaa nde ka woɗɗiti-maa. Ko fii no ɓuru-maa moƴƴande ka teral maa gootal hayra, edii ka ɓandu maa ndun fow bugee ka jahannama. Si tawii jungo maa ɲaamo ngon kadi wonay sabu haa feggoɗaa, haray taƴu ngo, bugoɗaa ka woɗɗiti-maa. Ko fii no ɓuru-maa moƴƴande ka teral maa gootal hayra edii ka ɓandu maa ndun fow yaha ka jahannama.