Suosittuja jakeita Raamatun kirjasta Tio 2

Jaa

Tul palaq vet ok tu otzotz. Tul tilaq veteʼ uvaʼ atich u neʼ kʼatz Mal, vitxutx u neʼ. Tul ijoqbʼaaq vet kuʼ tibʼ inqʼa vinaq tiʼ inatxhkʼuulal u neʼ. Tul motx ijaq vet inqʼa talaq ikolbʼal, inqʼa atich kuʼ bʼaʼnla txhaq kam s-tuul. Tul toksaaq vet ooro tuchʼ insieenso, atz tuchʼ taʼlil tzeʼ, u miira, s-oya vatz u neʼ.

Eenetz alalik Jesuus tu tenam Veleen tuulbʼal Judeea. Aʼxhetz talal Jesuus tuulbʼal uvaʼs atich ok Eroodes s-mam iqʼesal. Tul ul vet jolol inqʼa vinaq tu tenam Jerusaleen, inqʼa een tzajnaʼqich tu tzaebʼ qʼij, inqʼa qʼianich tetz txʼumil.{*} Tul exaq tabʼi vet itziulal tiʼ u neʼ. Tul ech nikich motx tal s-eche: —¿Qatxh u neʼ uvaʼ toq bʼanon mam iqʼesalil tiibʼa inqʼa tij imam Israeel uvaʼ qat alaliya? Tan qat qil u txʼumil uvaʼ nik kʼutxhun u neʼ tu tzaebʼ qʼij. Echetz qat qule tiʼ inatxhkʼuulaleʼ, —xeʼtaqe.{*}

Tiletz vet inqʼa vinaq tal uvaʼ ex txakeʼvk u txʼumil, tul mam chiibʼichil motx ibʼanaq veteʼ.

Poro alaxaq vet s-te t-vatzikʼ uvaʼ yeʼich laʼ pal tal vet u yol te Eroodes. Echetz motx ijaltaq vet ibʼeye tiʼ iqʼaʼv t-vitenam inpaqte. Yaʼne qʼaʼv vet inqʼa vinaq titenam inpaqte. Tul il bʼak val viaanxel quBʼaal Tiuxh nikich ikʼutxh tibʼ te Xhuʼl t-vatzikʼ. Tul ech tal te Xhuʼl s-eche: —Nal abʼan avutxheʼ. Tul eeqʼo u neʼ tuchʼ vitxutx. Tul yekl axh tuulbʼal Ejiipto tiʼ atzʼeqt eebʼ. Atoqetz vet axh tzitzi. Pet in naletz laʼ alon see jatu laʼ qʼaʼv axh inpaqte. Tan toq itxhok Eroodes u neʼ tiʼ iyatzʼax el, —xeʼt u aanxel te Xhuʼl.