Suosittuja jakeita Raamatun kirjasta wandījo 28

Jaa

Nakūbiza hamò nang'ho, nīyo nakūkūlang'hana būlī kwene ūko ūkūja. Hanuma nakūkūshosha hangī ū mu sī yenīyī. Natīko kūkūleka, kūshisha nīshikīlīje īyo nalīkwisagīja.”

Ū kwigūlya ya ngaji yenīyo, walīko ū SEEBA īmīīlile; ūhaya gīkī, “Ū nene nalī SEEBA, Mulungu wa ng'wa Abulahamu ntaale wako, na Mulungu wa ng'wa so Isaka. Ī sī yenīyī aho walaalaga nakūkwinha bebe hamò nū būbyīle wako.

Ū Yakobo aho wabbamhuka ū mu tūlo yakwe, wandya kwiganika gīkī, “Ī gete ū SEEBA alīho a h'ipandī lyenīlī, nūūlū īkī naalī natamanile ū nene.”

Hūna ū Yakobo ūlahīla alīhaya gīkī, “Ū Mulungu ūlū ūbiza hamò nū nene, ūnilang'hana nū mu lūgendo ūlo nalīīja lwenūlū, ūninha na shilīwa hamò na shizwalo sha kūzwala, kūshisha nashoke kū kaya ya ng'wa baba nalī mhola, ū SEEBA akūbiza Mulungu wane. A h'iwe īlo naalītūūla lyīmīīla gītī ng'hīngī lyenīlī, īkūbiza ho numba ya ng'wa Mulungu; nū mu shose īsho ūkūninha, nakūkwinha īmò ya ng'wikūmi.”

Ū būbyīle wako būkūbiza na banhū bingī gītī lūbuubu lwa ha sī, hama ūkūtana ūsambaale hose hose, ng'weli, kīya, sukuma na dakama. Pye a banhū ba mu sī bakwanukūla kūbītīla mulī bebe na būbyīle wako.

Ī lipandī lyenīlo ūlitana Beeseli nūūlū īkī ū nzengo gwa kwenūko gwitanagwa Luzi.