Suosittuja jakeita Raamatun kirjasta Mateyu 5

Jaa

Yambomane tepe llame kandokolie mingine suku na panjilimele. ‘Melema kanangi, ulke sukundu pa tepili.’ ningu polo tenga ola nosilimele. Aku sipe mele ‘Olione ulu peangama telemolo mele yambomane kanokolie olionga Lapa, mulu koleana molemomo, kapi niengi.’ ningu enenga pa telemomone yamboma kanangi, pa tenjengi.” ˻nirimu.˼

“Ene ma koleana yambomanga pa tenjilime molemele. Kolea aili ma pangine ola lembamo manda lopi na tenge.

“Yambo konopu kake tepili molemele yambomane Pulu Yemo kanongemonga ene malo.

“Pulu Yemone “Teai.” nilimo ulu sumbi nilime tengendo waka kolko molemele yamboma manda molongemonga ene malo.

Nakolo kinié nane ene nimbu sikiru: Enene enenga opa touma konopu monjiku, ene teko kenjilimele yamboma ‘Pulu Yemone tepa konjipili.’ ningu Pulu Yemo enenga mawa tenjengi.

“Yambo konopuna koropa pulimo pilimele yamboma Pulu Yemo enenga ye nomi kingimu molopa ene nokolemomonga ene malo.

“‘Yamboma konopu teluna pupili molangi.’ nilimele yamboma Pulu Yemone ‘Ene nanga ambolangoma.’ nimbemonga ene malo.

“Yambo kola teko konopu keri pepili molemele yamboma Pulu Yemone “Ene konopu peanga pepa toembo topili.” nimbemonga ene malo.

“Pulu Yemone “Teai.” nilimo ulu sumbi nilime teko molemelemonga yambo lupemane ene mindili silimele ˻akumunge˼ Pulu Yemo enenga ye nomi kingimu molombamonga ene malo.

“Yambo lupema kondo kolemele yamboma Pulu Yemone kondo kolombamonga ene malo.

“Na pilku molemele yamboma, ene nanga yamboma molemelemonga we yambomane ene ungu taka tonjiku mindili siku, ungu keri lupe lupema enenga bulkundu kolo toko ninjingí kinie ene malo. ˻Yambomane ene aku siku mele telemelemonga˼ ene mulu koleana pungí kinie kanuna Pulu Yemone ene mele kalopa konjimbe kene konopu paa aili teko siku konopu peanga pepili molayo. Yambomane kinié ene mindili silimele mele aku siku ene na molangi koro ou Pulu Yemone ungu umbu tonjirimuma pilku yamboma ningu siliku andoringi yamboma we yambomane ene kepe mindili siringila kanumu.” ˻nirimu.˼

“Yambo taka lelko molko yambo lupema pilku molemele yamboma ma koleama pali Pulu Yemone ene simbe lingímunge ene malo.

“Ene ma koleana yambomanga api kusa mele molemele. ˻Akumu mele peanga˼ nakolo yu songo na temba kinie ‘Yu kelepa songo tepili.’ nimbu ulu te manda temoloye? Yu kongono temba tondolo te altopa na pembamonga we topo ele temolo kinie yamboma kimbu kongono teko andoko kambilingí kinie papu.

Akumunge ˻Mosisini sirimu ungu manema we pilku na teko,˼ enenga Lapa mulu koleana molemo ye paa sumbi nilimu molemo mele ene aku siku yambo sumbi nilime molangi.” ˻nirimu.˼

Ulu te sike teni liemo sumbi siku “Tembo.” nieni. Naa teni liemo “Naa tembo.” nieni. Ulu kerimenga pali ulu pulumu pelemo ˻kuru˼ muni ambolemo yambomane mindi ungu sulu teko niliku puku mi lemele.” ˻nirimu.˼

“˻Ou Mosisini˼ ungu mane te sirimumu ene pilimele. Kanu ungu manemo i sipe: “Yambo tene yambo tenga mongomo topa akumbe kinie yunge mongomo toko akunjengila. Yambo tene yambo tenga ungú topa langomba kinie yunge ungú toko langonjengila.” nirimu kanumu. Nakolo kinié nane ene nimbu sikiru: Ene tepa kenjimbe yambomo anju uluri na teko, ‘We tepa kenjipili.’ niengi. Yambo tene nunge kumbikere ekendonga laruwe tomba kinie topele toko ‘ekendonga kamu laruwe topili.’ nieni.

Nunge mongotolone melte kanokolie konopuni ‘Liemboa.’ ningu pilku ulu pulu keri te tenu liemo mongotolo akuku ele teani. Nunge mongotolo angilipili nu tepe koleana liku mundungí kinie kapola na temba kene kangimunge melte wendo liku ele tekolie molko konjini kinie papu. Nunge kitolone ulu pulu keri te tenu liemo aku kitolo kari lelko ele teani. Nunge kitolo angilipili nu tepe koleana liku mundungí kinie kapola na temba kene kangimunge melte wendo liku ele tekolie molko konjini kinie papu.” ˻nirimu.˼